ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਟਾਟਾ ਗਰੁੱਪ ਦੀ ਕੰਪਨੀ ਟਾਟਾ ਕਮਿਊਨੀਕੇਸ਼ਨਜ਼ ਨੇ ਭਾਰਤ ਅਤੇ ਸਿੰਗਾਪੁਰ ਵਿਚਕਾਰ ਡਿਜ਼ੀਟਲ ਕਨੈਕਟੀਵਿਟੀ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਦੋ ਮਹੱਤਵਪੂਰਨ ਸਮੁੰਦਰੀ ਕੇਬਲ ਪ੍ਰੋਜੈਕਟਾਂ ਵਿੱਚ 15.2 ਕਰੋੜ ਡਾਲਰ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ। ਕੰਪਨੀ ਦਾ ਉਦੇਸ਼ ਮੁੰਬਈ, ਚੇਨਈ ਅਤੇ ਸਿੰਗਾਪੁਰ ਵਿਚਕਾਰ ਏ.ਆਈ. (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਲਈ ਤਿਆਰ, ਹਾਈ-ਸਪੀਡ ਅਤੇ ਘੱਟ ਲੇਟੈਂਸੀ ਵਾਲਾ ਨੈੱਟਵਰਕ ਤਿਆਰ ਕਰਨਾ ਹੈ, ਜਿਸ ਨਾਲ ਐਂਟਰਪ੍ਰਾਈਜ਼, ਕਲਾਉਡ ਅਤੇ ਡਾਟਾ ਸੈਂਟਰਾਂ ਦੀ ਤੇਜ਼ੀ ਨਾਲ ਵੱਧ ਰਹੀ ਮੰਗ ਨੂੰ ਪੂਰਾ ਕੀਤਾ ਜਾ ਸਕੇ। ਕੰਪਨੀ ਦੇ ਅਨੁਸਾਰ, ਇਸ ਨਿਵੇਸ਼ ਤਹਿਤ ਉਹ ਆਪਣੇ ਟਾਟਾ ਗਲੋਬਲ ਨੈੱਟਵਰਕ ਦੀ ਸਮਰੱਥਾ ਨੂੰ ਦੋ ਨਵੇਂ ਸਬਸੀ ਕੇਬਲ ਸਿਸਟਮਾਂ ਰਾਹੀਂ ਹੋਰ ਮਜ਼ਬੂਤ ਕਰੇਗੀ। ਇਸ ਤਹਿਤ ਪਹਿਲੇ ਪੜਾਅ ਵਿੱਚ ਮੁੰਬਈ ਅਤੇ ਸਿੰਗਾਪੁਰ ਵਿਚਕਾਰ ਬਣ ਰਹੇ ਕੇਬਲ ਸਿਸਟਮ ਵਿੱਚ ਫਾਈਬਰ ਸਮਰੱਥਾ ਹਾਸਲ ਕੀਤੀ ਜਾਵੇਗੀ, ਜਿਸ ਨਾਲ ਦੋਵਾਂ ਦੇਸ਼ਾਂ ਵਿਚਕਾਰ ਡਿਜ਼ੀਟਲ ਸੰਚਾਰ ਹੋਰ ਤੇਜ਼, ਭਰੋਸੇਯੋਗ ਅਤੇ ਸਮਰੱਥ ਬਣੇਗਾ।
ਟਾਟਾ ਕਮਿਊਨੀਕੇਸ਼ਨਜ਼ ਨੇ 15.2 ਕਰੋੜ ਡਾਲਰ ਦੇ ਨਿਵੇਸ਼ ਦਾ ਕੀਤਾ ਐਲਾਨ
