ਭਾਰਤੀ ਬਾਜ਼ਾਰ ਵਿੱਚ ਸਪੀਡ ਅਤੇ ਪਰਫਾਰਮੈਂਸ ਦੇ ਸ਼ੌਕੀਨਾਂ ਲਈ ਸਕੋਡਾ ਇੱਕ ਬੇਹੱਦ ਸ਼ਾਨਦਾਰ ਐਸਯੂਵੀ ਲਿਆ ਰਹੀ ਹੈ, ਜੋ ਕੰਪਨੀ ਦੀ ਆਰਐਸ ਸੀਰੀਜ਼ ਦੀ ਭਾਰਤ ਵਿੱਚ ਦੂਜੀ ਕਾਰ ਹੋਵੇਗੀ। ਜੀ ਹਾਂ, ਪਿਛਲੇ ਸਾਲ ਆਕਟਾਵੀਆ ਆਰਐਸ ਲਾਂਚ ਕਰਨ ਤੋਂ ਬਾਅਦ ਸਕੋਡਾ ਆਟੋ ਇੰਡੀਆ ਇਸ ਮਹੀਨੇ ਨਵੀਂ ਕੋਡਿਆਕ ਆਰਐਸ ਐਸਯੂਵੀ ਲਿਆ ਰਹੀ ਹੈ, ਜੋ ਕੰਪਨੀ ਦੀ ਰੈਲੀ ਸਪੋਰਟ ਵਿਰਾਸਤ ਨੂੰ ਅੱਗੇ ਵਧਾਉਣ ਦੇ ਨਾਲ-ਨਾਲ ਪਰਫਾਰਮੈਂਸ ਐਸਯੂਵੀ ਪ੍ਰੇਮੀਆਂ ਦੀਆਂ ਉਮੀਦਾਂ ਨੂੰ ਵੀ ਪੂਰਾ ਕਰੇਗੀ। ਲੰਮੇ ਸਮੇਂ ਤੋਂ ਭਾਰਤੀ ਗਾਹਕ ਕੋਡਿਆਕ ਆਰਐਸ ਦਾ ਇੰਤਜ਼ਾਰ ਕਰ ਰਹੇ ਸਨ ਅਤੇ ਹੁਣ 22 ਜੂਨ ਨੂੰ ਇਹ ਇੰਤਜ਼ਾਰ ਖਤਮ ਹੋਣ ਜਾ ਰਿਹਾ ਹੈ। 22 ਜੂਨ ਤੋਂ ਕੋਡਿਆਕ ਆਰਐਸ ਦੀਆਂ ਬੁਕਿੰਗਾਂ ਸ਼ੁਰੂ ਹੋ ਜਾਣਗੀਆਂ।