ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਚੰਡੀਗੜ੍ਹ ਵਿਚ ਵੀਆਈਪੀ ਅਤੇ ਫੈਂਸੀ ਗੱਡੀਆਂ ਦੇ ਨੰਬਰਾਂ ਦਾ ਕਰੇਜ਼ ਇਕ ਵਾਰ ਫਿਰ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਰਜਿਸਟਰੇਸ਼ਨ ਐਂਡ ਲਾਈਸੈਂਸਿੰਗ ਅਥਾਰਿਟੀ, ਯੂਟੀ ਚੰਡੀਗੜ੍ਹ ਵਲੋਂ ਆਯੋਜਿਤ ਫੈਂਸੀ ਨੰਬਰਾਂ ਦੀ ਈ-ਨਿਲਾਮੀ ਸੰਪੰਨ ਹੋ ਗਈ ਹੈ। ਤਿੰਨ ਦਿਨਾਂ ਤੱਕ ਚੱਲੀ ਇਸ ਔਨਲਾਈਨ ਬੋਲੀ ਵਿਚ ‘0001’ ਨੰਬਰ ਨੂੰ ਪਛਾੜ ਕੇ ਇਸ ਵਾਰ ‘0003’ ਨੰਬਰ ਸਭ ਤੋਂ ਮਹਿੰਗਾ ਵਿਕਿਆ। ਇਸ ਦੌਰਾਨ ‘0003’ ਨੰਬਰ 37 ਲੱਖ 63 ਹਜ਼ਾਰ ਰੁਪਏ ਵਿਚ ਵਿਕਿਆ, ਜਦੋਂ ਕਿ ‘0001’ ਦੇ ਲਈ 23 ਲੱਖ 55 ਹਜ਼ਾਰ ਰੁਪਏ ਦੀ ਬੋਲੀ ਲੱਗੀ। ਇਸ ਨਿਲਾਮੀ ਵਿਚ ਕੁੱਲ 683 ਰਜਿਸਟਰੇਸ਼ਨ ਨੰਬਰਾਂ ਦੀ ਸਫਲ ਬੋਲੀ ਲੱਗੀ। ਪੂਰੀ ਨਿਲਾਮੀ ਤੋਂ ਚੰਡੀਗੜ੍ਹ ਪ੍ਰਸ਼ਾਸਨ ਨੂੰ ਕੁੱਲ 4 ਕਰੋੜ 13 ਲੱਖ ਰੁਪਏ ਤੋਂ ਜ਼ਿਆਦਾ ਦੀ ਬੰਪਰ ਕਮਾਈ ਹੋਈ ਹੈ। ਚੰਡੀਗੜ੍ਹ ਵਿਚ ਫੈਂਸੀ ਵਾਹਨ ਨੰਬਰਾਂ ਦੀ ਈ-ਨਿਲਾਮੀ ਰਜਿਸਟਰੇਸ਼ਨ ਅਤੇ ਲਾਇਸੈਂਸਿੰਗ ਅਥਾਰਟੀ ਵਲੋਂ ਅਧਿਕਾਰਤ ਆਵਾਜਾਈ ਪੋਰਟਲ ’ਤੇ ਔਨਲਾਈਨ ਆਯੋਜਿਤ ਕੀਤੀ ਜਾਂਦੀ ਹੈ।
ਚੰਡੀਗੜ੍ਹ ’ਚ 0003 ਨੰਬਰ 37 ਲੱਖ 63 ਹਜ਼ਾਰ ਰੁਪਏ ’ਚ ਵਿਕਿਆ – 0001 ਨੰਬਰ ਦੀ ਬੋਲੀ ਰਹੀ ਘੱਟ
