New Delhi : 13 ਮਈ ਨੂੰ Vodafone Idea Ltd ਦੇ ਸ਼ੇਅਰ ਵਿੱਚ ਜਬਰਦਸਤ ਤੇਜ਼ੀ ਦੇਖਣ ਨੂੰ ਮਿਲੀ। ਸਵੇਰੇ ਸ਼ੇਅਰ 11.89 ਰੁਪਏ ਦੇ ਪਿਛਲੇ ਬੰਦ ਭਾਅ ਦੇ ਮੁਕਾਬਲੇ 12.18 ਰੁਪਏ ‘ਤੇ ਖੁੱਲਿਆ ਅਤੇ ਇਸ ਤੋਂ ਬਾਅਦ ਖਰੀਦਦਾਰੀ ਇੰਨੀ ਵਧ ਗਈ ਕਿ ਸ਼ੇਅਰ 12.6 ਰੁਪਏ ਤੋਂ ਵੀ ਉੱਪਰ ਪਹੁੰਚ ਗਿਆ। ਇਸ ਤਰ੍ਹਾਂ ਸ਼ੇਅਰ ਵਿੱਚ ਲਗਭਗ 6 ਫੀਸਦੀ ਦੀ ਛਾਲ ਵੇਖੀ ਗਈ। ਹੁਣ ਬਾਜ਼ਾਰ ਵਿੱਚ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਆਖਿਰ Vodafone Idea ਦੇ ਸ਼ੇਅਰ ਵਿੱਚ ਇਹ ਅਚਾਨਕ ਤੇਜ਼ੀ ਕਿਉਂ ਆਈ। ਕੰਪਨੀ ਦਾ ਮਾਰਕੀਟ ਕੈਪ ਇਸ ਵੇਲੇ ਕਰੀਬ 1,37,053 ਕਰੋੜ ਰੁਪਏ ਤੱਕ ਪਹੁੰਚ ਚੁੱਕਾ ਹੈ। ਪਿਛਲੇ ਇੱਕ ਸਾਲ ਦੌਰਾਨ ਸ਼ੇਅਰ ਵਿੱਚ ਕਰੀਬ 80 ਫੀਸਦੀ ਦਾ ਉਛਾਲ ਆਇਆ ਹੈ, ਜਦਕਿ ਸਿਰਫ ਇੱਕ ਮਹੀਨੇ ਵਿੱਚ ਹੀ ਇਹ ਲਗਭਗ 35 ਫੀਸਦੀ ਚੜ੍ਹ ਚੁੱਕਾ ਹੈ। ਇਸ ਨਾਲ ਇਹ ਸਾਫ ਹੋ ਰਿਹਾ ਹੈ ਕਿ ਹਾਲੀਆ ਦਿਨਾਂ ਵਿੱਚ ਨਿਵੇਸ਼ਕਾਂ ਦੀ ਦਿਲਚਸਪੀ ਇਸ ਸ਼ੇਅਰ ਵੱਲ ਤੇਜ਼ੀ ਨਾਲ ਵਧੀ ਹੈ।
ਵੋਡਾਫੋਨ ਆਈਡੀਆ ਦੇ ਸ਼ੇਅਰ ਵਿੱਚ ਅਚਾਨਕ ਕਿਉਂ ਆਈ ਤੇਜ਼ੀ, MC Exclusive ਖਬਰ ਦਾ ਅਸਰ
