ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤ ਵਿਚ ਗੋਲਡ ਲੋਨ ਦਾ ਬਿਜਨਸ ਤੇਜ਼ੀ ਨਾਲ ਵਧ ਰਿਹਾ ਹੈ। ਨਵੰਬਰ 2025 ਤੱਕ ਕੁੱਲ ਗੋਲਡ ਲੋਨ 15.6 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਸੀ। ਇਹ ਪਿਛਲੇ ਸਾਲ ਦੇ 11 ਲੱਖ ਕਰੋੜ ਤੋਂ 42 ਫੀਸਦੀ ਜ਼ਿਆਦਾ ਹੈ। ਸੀ.ਆਰ.ਆਈ.ਐਫ. ਹਾਈ ਮਾਰਕ ਦੀ ਨਵੀਂ ਰਿਪੋਰਟ ਵਿਚ ਇਹ ਗੱਲ ਸਾਹਮਣੇ ਆਈ ਹੈ। ਅਸਾਨ ਭਾਸ਼ਾ ਵਿਚ ਸਮਝੀਏ ਤਾਂ ਗੋਲਡ ਲੋਨ ਹੁਣ ਦੇਸ਼ ਦੇ ਕੁੱਲ ਰਿਟੇਲ ਲੋਨ ਦਾ 9.7 ਫੀਸਦੀ ਹਿੱਸਾ ਬਣ ਚੁੱਕਾ ਹੈ, ਜੋ ਕਿ ਪਿਛਲੇ ਸਾਲ 8.1 ਫੀਸਦੀ ਸੀ। ਰਿਟੇਲ ਲੋਨ ਵਿਚ ਸਭ ਤੋਂ ਤੇਜ਼ ਵਾਧਾ ਗੋਲਡ ਲੋਨ ਵਿਚ ਹੋਇਆ ਹੈ। ਇਸ ਸਮੇਂ 902 ਲੱਖ ਤੋਂ ਜ਼ਿਆਦਾ ਲੋਕ ਗੋਲਡ ਲੋਨ ਲੈ ਰਹੇ ਹਨ, ਜੋ ਕਿ ਪਿਛਲੇ ਸਾਲ ਤੋਂ 10 ਫੀਸਦੀ ਜ਼ਿਆਦਾ ਹੈ।
ਭਾਰਤ ਵਿਚ ਗੋਲਡ ਲੋਨ ਦਾ ਬਿਜਨਸ ਤੇਜ਼ੀ ਨਾਲ ਵਧਿਆ
