ਅਨੁਰਾਗ ‘ਤੇ ਸਾਬਕਾ ਜਸਟਿਸ ਲੋਢਾ ਪੈਨਲ ਦੀਆਂ ਸਿਫ਼ਾਰਸ਼ਾਂ ਨਾ ਮੰਨਣ ਦਾ ਦੋਸ਼
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਸੁਪਰੀਮ ਕੋਰਟ ਨੇ ਅਹਿਮ ਫ਼ੈਸਲੇ ਰਾਹੀਂ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਮੁਖੀ ਅਨੁਰਾਗ ਠਾਕੁਰ ਨੂੰ ਪ੍ਰਧਾਨਗੀ ਦੇ ਅਹੁਦੇ ਤੋਂ ਹਟਾ ਦਿੱਤਾ ਹੈ। ਅਨੁਰਾਗ ਠਾਕਰ ਦੇ ਨਾਲ-ਨਾਲ ਬੋਰਡ ਦੇ ਜਨਰਲ ਸਕੱਤਰ ਅਜੇ ਸਿਰਕੇ ਨੂੰ ਵੀ ਅਹੁਦੇ ਤੋਂ ਹਟਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਸੁਪਰੀਮ ਕੋਰਟ ਨੇ ਫਲੀ ਨਾਰੀਮਨ ਤੇ ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਗੋਪਾਲ ਸੁਬਰਾਮੀਅਨਮ ਨੂੰ ਅਦਾਲਤੀ ਮਿੱਤਰ ਬਣਾ ਕੇ ਬੀ.ਸੀ.ਸੀ.ਆਈ. ਦੇ ਨਵੇਂ ਅਧਿਕਾਰੀਆਂ ਨੂੰ ਚੁਣਨ ਦਾ ਕੰਮ ਸੌਂਪਿਆ ਹੈ। ਅਨੁਰਾਗ ਠਾਕੁਰ ਖ਼ਿਲਾਫ਼ ਸਾਬਕਾ ਜਸਟਿਸ ਲੋਢਾ ਪੈਨਲ ਦੀਆਂ ਸਿਫ਼ਾਰਸ਼ਾਂ ਨਾ ਮੰਨਣ ਦਾ ਦੋਸ਼ ਹੈ। ਇਸ ਤੋਂ ਇਲਾਵਾ ਠਾਕੁਰ ਉੱਤੇ ਸੁਪਰੀਮ ਕੋਰਟ ਵਿੱਚ ਝੂਠਾ ਹਲਫ਼ਨਾਮਾ ਦਾਇਰ ਕਰਨ ਦਾ ਵੀ ਦੋਸ਼ ਹੈ।
ਅਨੁਰਾਗ ਠਾਕੁਰ ਉੱਤੇ ਦੋਸ਼ ਇਹ ਲੱਗਿਆ ਸੀ ਕਿ ਉਨ੍ਹਾਂ ਨੇ ਆਈ.ਸੀ.ਸੀ. ਚੇਅਰਮੈਨ ਸਿਸ਼ਾਂਕ ਮਨੋਹਰ ਨੂੰ ਇੱਕ ਚਿੱਠੀ ਲਿਖਣ ਲਈ ਆਖਿਆ ਸੀ, ਜਿਸ ਵਿੱਚ ਇਹ ਆਖਿਆ ਗਿਆ ਸੀ ਕਿ ਬੀ.ਸੀ.ਸੀ.ਆਈ. ਵਿੱਚ ਕੈਗ ਨਿਯੁਕਤ ਕਰਨਾ ਸਰਕਾਰੀ ਦਖ਼ਲ ਵਾਂਗ ਹੈ।
ਸੁਪਰੀਮ ਕੋਰਟ ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਮੁਖੀ ਅਨੁਰਾਗ ਠਾਕਰ ਨੂੰ ਪ੍ਰਧਾਨਗੀ ਦੇ ਅਹੁਦੇ ਤੋਂ ਹਟਾਇਆ
