ਪੰਜਾਬ ’ਚ ਹੁਣ ਆਰ.ਟੀ.ਏ. ਦਫਤਰ ਦੇ ਚੱਕਰ ਨਹੀਂ ਲਗਾਉਣੇ ਪੈਣਗੇ

ਡੀਲਰ ਕੋਲ ਹੀ ਹੋਵੇਗੀ ਨਵੀਂ ਗੱਡੀ ਦੀ ਰਜਿਸਟ੍ਰੇਸ਼ਨ
ਚੰਡੀਗੜ੍ਹ/ਬਿੳੂਰੋ ਨਿੳੂਜ਼
ਪੰਜਾਬ ਵਿਚ ਹੁਣ ਜਿਸ ਡੀਲਰ ਕੋਲੋਂ ਗੱਡੀ ਖਰੀਦੀ ਜਾਵੇਗੀ, ਉਥੇ ਹੀ ਗੱਡੀ ਦੀ ਰਜਿਸਟ੍ਰੇਸ਼ਨ ਹੋ ਜਾਏਗੀ। ਇਸ ਤੋਂ ਬਾਅਦ ਸਮਾਰਟ ਰਜਿਸਟ੍ਰੇਸ਼ਨ ਸਰਟੀਫਿਕੇਟ (ਆਰ.ਸੀ.) ਦੀ ਹੋਮ ਡਿਲਵਰੀ ਹੋਵੇਗੀ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਇਹ ਸਹੂਲਤ ਸ਼ੁਰੂ ਕਰ ਦਿੱਤੀ ਹੈ। ਇਸ ਨਾਲ ਲੋਕਾਂ ਨੂੰ ਆਰ.ਸੀ. ਬਣਵਾਉਣ ਲਈ ਰੀਜ਼ਨਲ ਟਰਾਂਸਪੋਰਟ ਅਥਾਰਿਟੀ ਦਫਤਰ ਦੇ ਚੱਕਰ ਨਹੀਂ ਲਗਾਉਣੇ ਪੈਣਗੇ। ਸਰਕਾਰ ਮੁਤਾਬਕ ਸਾਰੇ ਡੀਲਰਾਂ ਨੂੰ ਨਵੀਆਂ ਗੱਡੀਆਂ ਦੀ ਰਜਿਸਟ੍ਰੇਸ਼ਨ ਦੇ ਅਧਿਕਾਰ ਦੇ ਦਿੱਤੇ ਗਏ ਹਨ। ਗੱਡੀ ਖਰੀਦਣ ਵਾਲਾ ਵਿਅਕਤੀ ਗੱਡੀ ਦਾ ਨੰਬਰ ਵੀ ਮੌਕੇ ’ਤੇ ਹੀ ਚੁਣ ਸਕਦਾ ਹੈ। ਡੀਲਰ ਪੱਧਰ ’ਤੇ ਹੀ ਗੱਡੀ ਦੇ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਨੂੰ ਮਨਜੂਰੀ ਮਿਲੇਗੀ। ਇਸੇ ਦੌਰਾਨ ਹਾਈ ਸਕਿਉਰਿਟੀ ਨੰਬਰ ਪਲੇਟ ਦੀ ਅਪਰੂਵਲ ਵੀ ਡੀਲਰ ਹੀ ਦੇਣਗੇ। ਇਸ ਤੋਂ ਬਾਅਦ ਈ ਆਰ.ਸੀ. ਡਾੳੂੁਨਲੋਡ ਕਰਕੇ ਇਸਤੇਮਾਲ ਕੀਤੀ ਜਾ ਸਕਦੀ ਹੈ।