Breaking News
Home / ਭਾਰਤ / ਗਡਕਰੀ ਨੇ ਆਖਿਆ ਅੱਛੇ ਦਿਨ ਦਾ ਨਾਅਰਾ ਤਾਂ ਸਾਡੇ ਗਲੇ ਦੀ ਹੱਡੀ ਬਣ ਗਿਆ

ਗਡਕਰੀ ਨੇ ਆਖਿਆ ਅੱਛੇ ਦਿਨ ਦਾ ਨਾਅਰਾ ਤਾਂ ਸਾਡੇ ਗਲੇ ਦੀ ਹੱਡੀ ਬਣ ਗਿਆ

8ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਮੋਦੀ ਸਰਕਾਰ ‘ਚ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ ਨੇ ਅਜਿਹਾ ਬਿਆਨ ਦਿੱਤਾ ਹੈ, ਜਿਸ ਨਾਲ ਦੇਸ਼ ਦੀ ਸਿਆਸਤ ਵਿਚ ਭੁਚਾਲ ਆ ਸਕਦਾ ਹੈ। ਗਡਕਰੀ ਨੇ ਮੁੰਬਈ ਦੇ ਇੱਕ ਸਮਾਗਮ ਵਿਚ ਨਰਿੰਦਰ ਮੋਦੀ ਦੇ ਅੱਛੇ ਦਿਨਾਂ ਦੇ ਨਾਅਰੇ ‘ਤੇ ਕਿਹਾ, “ਅੱਛੇ ਦਿਨਾਂ ਦਾ ਜ਼ਿਕਰ ਮਨਮੋਹਨ ਸਿੰਘ ਨੇ ਕੀਤਾ ਸੀ, ਜਿਹੜਾ ਸਾਡੇ ਗਲੇ ਦੀ ਹੱਡੀ ਬਣ ਗਿਆ ਹੈ। ਅੱਛੇ ਦਿਨ ਕਦੇ ਨਹੀਂ ਆਉਂਦੇ, ਅੱਛੇ ਦਿਨ ਸਿਰਫ ਮੰਨਣ ਨਾਲ ਆਉਂਦੇ ਹਨ।
ਗਡਕਰੀ ਨੇ ਅੱਛੇ ਦਿਨ ‘ਤੇ ਇਹ ਬਿਆਨ ਦਿੰਦਿਆਂ ਪ੍ਰਧਾਨ ਮੰਤਰੀ ਮੋਦੀ ਦਾ ਜ਼ਿਕਰ ਵੀ ਕੀਤਾ। ਉਨ੍ਹਾਂ ਕਿਹਾ ਕਿ ਮੋਦੀ ਨੇ ਹੀ ਉਨ੍ਹਾਂ ਨੂੰ ਇਹ ਕਹਾਣੀ ਦੱਸੀ ਸੀ। “ਮੋਦੀ ਨੇ ਕਿਹਾ ਸੀ ਕਿ ਇੱਕ ਵਾਰ ਇੱਕ ਐਨ.ਆਰ.ਆਈ. ਨੇ ਮਨਮੋਹਨ ਸਿੰਘ ਤੋਂ ਅੱਛੇ ਦਿਨਾਂ ਨੂੰ ਲੈ ਕੇ ਸਵਾਲ ਪੁੱਛਿਆ ਸੀ ਜਿਸ ਦੇ ਜਵਾਬ ਵਿਚ ਮਨਮੋਹਨ ਸਿੰਘ ਨੇ ਕਿਹਾ ਸੀ ਕਿ ‘ਅੱਛੇ ਦਿਨ’ ਆਉਣਗੇ। ਉਧਰ ਨਿਤਿਨ ਗਡਕਰੀ ਦੇ ਇਸ ਬਿਆਨ ‘ਤੇ ਕਾਂਗਰਸ ਨੇ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਨਰਿੰਦਰ ਮੋਦੀ ਦਾ ‘ਅੱਛੇ ਦਿਨ ਆਏਂਗੇ’ ਚੁਣਾਵੀ ਨਾਅਰਾ ਸੀ ਜਿਸ ਨੂੰ ਬਾਅਦ ਵਿਚ ਅਮਿਤ ਸ਼ਾਹ ਨੇ ਇਕ ਜੁੰਮਲਾ ਕਰਾਰ ਦਿੱਤਾ ਤੇ ਹੁਣ ਗਡਕਰੀ ਨੇ ਇਸ ਨੂੰ ਭਾਜਪਾ ਦੇ ਗਲੇ ਦੀ ਹੱਡੀ ਦੱਸ ਦਿੱਤਾ।

Check Also

ਜਲ ਮੰਤਰੀ ਆਤਿਸ਼ੀ ਨੇ ਆਪਣੀ ਅਣਮਿੱਥੇ ਸਮੇਂ ਦੀ ਭੁੱਖ ਹੜਤਾਲ ਕੀਤੀ ਖਤਮ

ਸਿਹਤ ਖਰਾਬ ਹੋਣ ਕਾਰਨ ਹਸਪਤਾਲ ਵਿਚ ਕਰਵਾਇਆ ਗਿਆ ਭਰਤੀ ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਦਿੱਲੀ ਸਰਕਾਰ …