Home / ਭਾਰਤ / ਰਾਜ ਸਭਾ ‘ਚੋਂ ਮੁਅੱਤਲ 8 ਸੰਸਦ ਮੈਂਬਰਾਂ ਨੇ ਸਾਰੀ ਰਾਤ ਦਿੱਤਾ ਧਰਨਾ

ਰਾਜ ਸਭਾ ‘ਚੋਂ ਮੁਅੱਤਲ 8 ਸੰਸਦ ਮੈਂਬਰਾਂ ਨੇ ਸਾਰੀ ਰਾਤ ਦਿੱਤਾ ਧਰਨਾ

Image Courtesy :jagbani(punjabkesari)

ਉਪ ਸਭਾਪਤੀ ਹਰਿਵੰਸ਼ ਸੰਸਦ ਮੈਂਬਰਾਂ ਲਈ ਚਾਹ ਲੈ ਕੇ ਪਹੁੰਚੇ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਰਾਜ ਸਭਾ ਵਿਚੋਂ ਮੁਅੱਤਲ ਅੱਠ ਸੰਸਦ ਮੈਂਬਰ ਰਾਤ ਭਰ ਮਹਾਤਮਾ ਗਾਂਧੀ ਦੀ ਮੂਰਤੀ ਸਾਹਮਣੇ ਧਰਨੇ ‘ਤੇ ਬੈਠੇ ਰਹੇ। ਇਨ੍ਹਾਂ ਸੰਸਦ ਮੈਂਬਰਾਂ ਨੂੰ ਸਭਾਪਤੀ ਵੈਂਕਈਆ ਨਾਇਡੂ ਨੇ ਐਤਵਾਰ ਨੂੰ ਸਦਨ ਵਿਚ ਹੰਗਾਮਾ ਕਰਨ ਤੇ ਉਪ ਸਭਾਪਤੀ ਹਰਿਵੰਸ਼ ਨਾਲ ਬਦਸਲੂਕੀ ਲਈ ਸਸਪੈਂਡ ਕੀਤਾ ਸੀ। ਇਸ ਦੇ ਚੱਲਦਿਆਂ ਅੱਜ ਸਵੇਰੇ ਰਾਜ ਸਭਾ ਦੇ ਉਪ ਸਭਾਪਤੀ ਹਰਿਵੰਸ਼ ਧਰਨਾ ਸਥਾਨ ‘ਤੇ ਖੁਦ ਪਹੁੰਚ ਗਏ। ਉਹ ਆਪਣੇ ਨਾਲ ਇਕ ਝੋਲਾ ਲੈ ਕੇ ਗਏ ਸਨ ਜਿਸ ਵਿਚ ਸੰਸਦ ਮੈਂਬਰਾਂ ਲਈ ਚਾਹ ਸੀ। ਹਰਿਵੰਸ਼ ਨੇ ਆਪ ਖੁਦ ਸੰਸਦ ਮੈਂਬਰਾਂ ਨੂੰ ਚਾਹ ਦਿੱਤੀ ਅਤੇ ਉਨ੍ਹਾਂ ਸੰਸਦ ਮੈਂਬਰਾਂ ਨਾਲ ਗੱਲ ਵੀ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਰਿਵੰਸ਼ ਦੇ ਇਸ ਕਦਮ ਦੀ ਤਾਰੀਫ ਵੀ ਕੀਤੀ। ਜ਼ਿਕਰਯੋਗ ਹੈ ਕਿ ਮੁਅੱਤਲ 8 ਸੰਸਦ ਮੈਂਬਰਾਂ ਨੇ ਆਪਣੇ ਧਰਨੇ ਨੂੰ ਵੀ ਸਮਾਪਤ ਕਰ ਦਿੱਤਾ ਹੈ।

Check Also

ਭਾਰਤੀ ਲੋਕਤੰਤਰ ਲਈ ਸਭ ਤੋਂ ਮੁਸ਼ਕਲ ਦੌਰ

ਸੋਨੀਆ ਗਾਂਧੀ ਨੇ ਪਾਰਟੀ ਦੇ ਜਨਰਲ ਸਕੱਤਰਾਂ ਤੇ ਸੂਬਾ ਇੰਚਾਰਜਾਂ ਨਾਲ ਕੀਤੀ ਮੀਟਿੰਗ ਨਵੀਂ ਦਿੱਲੀ/ਬਿਊਰੋ ਨਿਊਜ਼ …