ਲੰਘੇ ਕੱਲ੍ਹ ਕਰ ਲਈ ਸੀ ਖੁਦਕੁਸ਼ੀ – ਬਾਲੀਵੁੱਡ ਖੇਮੇ ‘ਚ ਸੋਗ ਦੀ ਲਹਿਰ
ਮੁੰਬਈ/ਬਿਊਰੋ ਨਿਊਜ਼
ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਅੱਜ ਮੁੰਬਈ ਵਿਚ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ। ਸੁਸ਼ਾਂਤ ਨੇ ਲੰਘੇ ਕੱਲ੍ਹ ਆਪਣੇ ਘਰ ਵਿਚ ਹੀ ਖੁਦਕੁਸ਼ੀ ਕਰ ਲਈ ਸੀ। ਸੁਸ਼ਾਂਤ ਦੇ ਸਸਕਾਰ ਮੌਕੇ ਕਈ ਫਿਲਮੀ ਅਤੇ ਟੀਵੀ ਕਲਾਕਾਰ ਹਾਜ਼ਰ ਰਹੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਉਪ ਰਾਸ਼ਟਰਪਤੀ ਵੈਂਕਈਆ ਨਾਇਡੂ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਸਮੇਤ ਬਹੁਤ ਸਾਰੇ ਰਾਜਨੀਤਕ ਅਤੇ ਸਮਾਜਿਕ ਆਗੂਆਂ ਨੇ ਫਿਲਮੀ ਅਦਾਕਾਰ ਰਾਜਪੂਤ ਦੇ ਅਕਾਲ ਚਲਾਣੇ ‘ਤੇ ਦੁਖ਼ ਜ਼ਾਹਿਰ ਕਰਦਿਆਂ ਉਸ ਨੂੰ ਇਕ ‘ਉਭਰਦੇ ਨੌਜਵਾਨ ਅਦਾਕਾਰ’ ਵਜੋਂ ਯਾਦ ਕੀਤਾ। ਫ਼ਿਲਮ ‘ਧੋਨੀ : ਐਨ ਅਨਟੋਲਡ ਸਟੋਰੀ’ ਵਿੱਚ ਉਸ ਦੇ ਕੰਮ ਦੀ ਕਾਫੀ ਪ੍ਰਸ਼ੰਸਾ ਹੋਈ ਸੀ। ਉਸ ਨੇ ਫਿਲਮ, ‘ਪੀ ਕੇ’ ਤੇ ‘ਕੇਦਾਰਨਾਥ’ ਵਿੱਚ ਵੀ ਸ਼ਾਨਦਾਰ ਭੂਮਿਕਾਵਾਂ ਨਿਭਾਈਆਂ ਸਨ।
ਫਿਲਮੀ ਅਦਾਕਾਰ ਸੁਸ਼ਾਂਤ ਰਾਜਪੂਤ ਦਾ ਕੀਤਾ ਗਿਆ ਸਸਕਾਰ
