‘ਘਰ ਦੀ ਸ਼ਰਾਬ ਹੋਵੇ’ ਗੀਤ ਸਬੰਧੀ ਗੁਰਦਾਸ ਮਾਨ ਨੇ ਮੰਗੀ ਮੁਆਫੀ

ਨੰਗਲ ਵਿਖੇ ਨਾਗਰਿਕਾਂ ਨੂੰ ਵੋਟ ਦੇ ਅਧਿਕਾਰ ਦੀ ਸੁਚੱਜੀ ਵਰਤੋਂ ਲਈ ਸਹੁੰ ਵੀ ਚੁਕਾਈ
ਨੰਗਲ/ਬਿਊਰੋ ਨਿਊਜ਼
ਨੰਗਲ ਵਿਖੇ ਐਨ.ਐਫ.ਐਲ. ਸਟੇਡੀਅਮ ਵਿਚ ਇਕ ਸਭਿਆਚਾਰਕ ਸਮਾਗਮ ਵਿਚ ਮਸ਼ਹੂਰ ਪੰਜਾਬੀ ਗਾਇਕ ਗੁਰਦਾਸ ਮਾਨ ਨੇ ਨਾਗਰਿਕਾਂ ਨੂੰ ਵੋਟ ਦੇ ਅਧਿਕਾਰ ਦੀ ਸੁਚੱਜੀ ਵਰਤੋਂ ਲਈ ਸਹੁੰ ਚੁਕਾਈ। ਇਸ ਮੌਕੇ ਗੁਰਦਾਸ ਮਾਨ ਨੇ ਆਪਣੇ ਪ੍ਰਸਿੱਧ ਗੀਤ ‘ਆਪਣਾ ਪੰਜਾਬ ਹੋਵੇ, ਘਰ ਦੀ ਸ਼ਰਾਬ ਹੋਵੇ’ ਵਿਚ ‘ਸ਼ਰਾਬ’ ਸ਼ਬਦ ਵਰਤਣ ਲਈ ਮੁਆਫੀ ਵੀ ਮੰਗੀ। ਜਿਕਰਯੋਗ ਹੈ ਕਿ ਗੁਰਦਾਸ ਮਾਨ ਦੁਆਰਾ ਪੰਜਾਬ ਦੇ ਪ੍ਰਸਿੱਧ ਗਾਇਕਾਂ ਜਿਨ੍ਹਾਂ ਵਲੋਂ ਆਪਣੇ ਗੀਤਾਂ ਵਿਚ ਨਸ਼ਿਆਂ, ਹਥਿਆਰਾਂ ਅਤੇ ਲੱਚਰਤਾ ਵਰਤੀ ਗਈ ਹੈ, ਨੂੰ ਵੀ ਮੁਆਫੀ ਮੰਗਣ ਅਤੇ ਅਗਾਂਹ ਤੋਂ ਅਜਿਹਾ ਨਾ ਕਰਨ ਲਈ ਵੀ ਕਿਹਾ ਜਾ ਰਿਹਾ ਹੈ। ਗੁਰਦਾਸ ਮਾਨ ਦਾ ਇਹ ਵੀ ਕਹਿਣਾ ਸੀ ਕਿ ਗਾਣੇ ਵਿਚ ਵਰਤੀ ਗਈ ਇਹ ਲਾਈਨ ਸਿਰਫ ਤੇ ਸਿਰਫ ਮਨੋਰੰਜਨ ਨੂੰ ਧਿਆਨ ਵਿਚ ਰੱਖ ਕੇ ਦੇਖੀ ਜਾਣੀ ਚਾਹੀਦੀ ਹੈ।