Breaking News
Home / ਭਾਰਤ / ਰਾਸ਼ਟਰਪਤੀ ਤੋਂ ਬਿਲ ਨੂੰ ਮਨਜ਼ੂਰੀ ਮਿਲਣ ਮਗਰੋਂ ਪੰਜਾਬ ‘ਚ ਹੁੱਕਾ ਬਾਰਾਂ ‘ਤੇ ਸਥਾਈ ਪਾਬੰਦੀ

ਰਾਸ਼ਟਰਪਤੀ ਤੋਂ ਬਿਲ ਨੂੰ ਮਨਜ਼ੂਰੀ ਮਿਲਣ ਮਗਰੋਂ ਪੰਜਾਬ ‘ਚ ਹੁੱਕਾ ਬਾਰਾਂ ‘ਤੇ ਸਥਾਈ ਪਾਬੰਦੀ

ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਪੰਜਾਬ ਵਿਚ ਤਮਾਕੂ ਦੇ ਪ੍ਰਯੋਗ ਸਬੰਧੀ ਬਿੱਲ ਨੂੰ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਤੋਂ ਮਨਜ਼ੂਰੀ ਮਿਲਣ ਮਗਰੋਂ ਰਾਜ ਵਿਚ ਹੁੱਕਾ ਬਾਰਾਂ ‘ਤੇ ਸਥਾਈ ਰੂਪ ਵਿਚ ਰੋਕ ਲੱਗ ਗਈ ਹੈ। ਦੇਸ਼ ਵਿਚ ਗੁਜਰਾਤ ਅਤੇ ਮਹਾਰਾਸ਼ਟਰ ਤੋਂ ઠਬਾਅਦ ਪੰਜਾਬ ਹੁੱਕਾ ਬਾਰ ਅਤੇ ਲਾਊਂਜ਼ ‘ਤੇ ਪਾਬੰਦੀ ਲਾਉਣ ਵਾਲਾ ਤੀਜਾ ਰਾਜ ਹੈ। ਗ੍ਰਹਿ ਮੰਤਰਾਲੇ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਰਾਸ਼ਟਰਪਤੀ ਨੇ ਸਿਗਰਟ ਅਤੇ ਹੋਰ ਤੰਮਾਕੂ ਉਤਪਾਦ (ਵਣਜ ਵਪਾਰ, ਉਤਪਾਦਨ, ਸਪਲਾਈ ਅਤੇ ਵੰਡ ਦੀ ਇਸ਼ਤਿਹਾਰਬਾਜ਼ੀ ‘ਤੇ ਰੋਕਥਾਮ) (ਪੰਜਾਬ ਖੋਜ) ਬਿੱਲ,2018 ਨੂੰ ਹਾਲ ਹੀ ਵਿਚ ਮਨਜ਼ੂਰੀ ਦਿਤੀ ਹੈ।
ਪੰਜਾਬ ਵਿਧਾਨਸਭਾ ਨੇ ਮਾਰਚ ਵਿਚ ਇਹ ਬਿੱਲ ਪਾਸ ਕੀਤਾ ਸੀ। ਇਹ ਕਾਨੂੰਨ ਲਿਆਉਣ ਦਾ ਟੀਚਾ ਵੱਖ-ਵੱਖ ਰੂਪਾਂ ਵਿਚ ਤੰਮਾਕੂ ਦੇ ਪ੍ਰਯੋਗ ‘ਤੇ ਰੋਕ ਲਾਉਣ ਅਤੇ ਤੰਮਾਕੂ ਉਤਪਾਦਾਂ ਦੇ ਸੇਵਨ ਤੋਂ ਹੋਣ ਵਾਲੀਆਂ ਬਿਮਾਰੀਆਂ ਦੀ ਰੋਕਥਾਮ ਕਰਨਾ ਹੈ। ઠਇਕ ਅਧਿਕਾਰੀ ਨੇ ਦਸਿਆ ਕਿ ਪੰਜਾਬ ਵਿਚ ਨਸ਼ੀਲੇ ਪਦਾਰਥਾਂ ਦੇ ਪ੍ਰਯੋਗ ਦੀ ਸ਼ਿਕਾਇਤ ਮਿਲੀ ਸੀ। ਪੰਜਾਬ ਵਿਧਾਨਸਭਾ ਵਿਚ ਇਹ ਬਿੱਲ ਪੇਸ਼ ਕਰਨ ਵਾਲੇ ਰਾਜ ਦੇ ਸਿਹਤ ਮੰਤਰੀ ਬ੍ਰਹਮ ਮਹਿੰਦਰਾ ਨੇ ਕਿਹਾ ਸੀ ਕਿ ਪੰਜਾਬ ਵਿਚ ਹੁੱਕਾ-ਸ਼ੀਸ਼ਾ ਸਿਗਰਟ ਦੀ ਨਵੀਂ ਰੀਤ ਚਲ ਪਈ ਹੈ ਅਤੇ ਦਿਨ ਬ ਦਿਨ ਇਹ ਵੱਧਦੀ ਜਾ ਰਹੀ ਹੈ। ਇਹ ਬਾਰ ਰੇਗਿਸਤਾਨਾਂ, ਹੋਟਲਾਂ, ਕਲੱਬਾਂ ਵਿਚ ਖੁੱਲ੍ਹ ਰਹੇ ਹਨ। ਇਥੋਂ ਤੱਕ ਕਿ ਵਿਆਹਾਂ ਵਿਚ ਵੀ ਹੁੱਕਾ ਪੇਸ਼ ਕੀਤਾ ਜਾ ਰਿਹਾ ਹੈ। ਮਹਿੰਦਰਾ ਨੇ ਕਿਹਾ ਸੀ ਕਿ ਹੁੱਕੇ ਵਿਚ ਸਭ ਤੋਂ ਹਾਨੀਕਾਰਕ ਪਦਾਰਥ ਨਿਕੋਟੀਲ ਹੈ ਜਿਸ ਨੂੰ ਕੈਂਸਰਕਾਰੀ ਮੰਨਿਆ ਜਾਂਦਾ ਹੈ। ઠ

Check Also

ਰਾਜ ਸਭਾ ‘ਚੋਂ ਮੁਅੱਤਲ 8 ਸੰਸਦ ਮੈਂਬਰਾਂ ਨੇ ਸਾਰੀ ਰਾਤ ਦਿੱਤਾ ਧਰਨਾ

ਉਪ ਸਭਾਪਤੀ ਹਰਿਵੰਸ਼ ਸੰਸਦ ਮੈਂਬਰਾਂ ਲਈ ਚਾਹ ਲੈ ਕੇ ਪਹੁੰਚੇ ਨਵੀਂ ਦਿੱਲੀ/ਬਿਊਰੋ ਨਿਊਜ਼ ਰਾਜ ਸਭਾ …