New Delhi : ਦੁਨੀਆ ਭਰ ਵਿੱਚ ਜਾਰੀ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਦੀ ਦੌੜ ਵਿੱਚ ਹੁਣ ਭਾਰਤ ਨੇ ਵੀ ਆਪਣੀ ਰਫ਼ਤਾਰ ਤੇਜ਼ ਕਰ ਦਿੱਤੀ ਹੈ। ਦੇਸ਼ ਵਿੱਚ AI ਨੂੰ ਲੈ ਕੇ ਹੁਣ ਇੱਕ ਵੱਡਾ ਪ੍ਰਯੋਗ ਸ਼ੁਰੂ ਹੋ ਚੁੱਕਾ ਹੈ। AI ਇੰਫਰਾਸਟਰੱਕਚਰ ਕੰਪਨੀ Bharat1.AI ਬੈਂਗਲੁਰੂ ਵਿੱਚ ਇੱਕ ਅਜਿਹਾ AI ਈਕੋਸਿਸਟਮ ਤਿਆਰ ਕਰ ਰਹੀ ਹੈ, ਜਿੱਥੇ ਇਨਸਾਨ, ਰੋਬੋਟ ਅਤੇ ਡਿਜ਼ੀਟਲ ਟਵਿਨ ਇੱਕੋ ਥਾਂ ’ਤੇ ਮਿਲ ਕੇ ਕੰਮ ਕਰਨਗੇ। ਕੰਪਨੀ ਦਾ ਟੀਚਾ ਸ਼ਹਿਰ ਦੇ ਪੱਧਰ ’ਤੇ AI ਦੀ ਟੈਸਟਿੰਗ ਕਰਨ ਅਤੇ ਨਵੀਂ ਤਕਨਾਲੋਜੀ ਨੂੰ ਵਿਕਸਤ ਕਰਨਾ ਹੈ।
Bharat1.AI ਨੇ ਬੈਂਗਲੁਰੂ ਦੇ ਸਰਜਾਪੁਰ ਰੋਡ ਸਥਿਤ RGA Tech Park ਵਿੱਚ 10 ਮੰਜ਼ਿਲਾ AI ਸੁਪਰਪਾਰਕ ਤਿਆਰ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਲਗਭਗ 5 ਲੱਖ ਵਰਗ ਫੁੱਟ ਵਿੱਚ ਫੈਲੀ ਇਸ ਇਮਾਰਤ ਵਿੱਚ 8,000 ਤੋਂ 10,000 ਲੋਕਾਂ ਦੇ ਕੰਮ ਕਰਨ ਦੀ ਸਮਰੱਥਾ ਹੋਵੇਗੀ।
ਫਿਲਹਾਲ ਇਸ ਦੀ ਦੂਜੀ ਮੰਜ਼ਿਲ ਚਾਲੂ ਹੋ ਚੁੱਕੀ ਹੈ। ਇੱਥੇ ਟੈਕ ਕੰਪਨੀਆਂ ਦੇ ਫਾਊਂਡਰ ਅਤੇ ਇੰਜੀਨੀਅਰ AI ਨਾਲ ਜੁੜੇ ਵੱਖ-ਵੱਖ ਪ੍ਰੋਜੈਕਟਾਂ ’ਤੇ ਕੰਮ ਕਰ ਰਹੇ ਹਨ। ਇਸ ਦੇ ਇੱਕ ਹਿੱਸੇ ਵਿੱਚ ਇੰਜੀਨੀਅਰ ਰੋਬੋਟਿਕ AI ਮਾਡਲਾਂ ਦੀ ਟੈਸਟਿੰਗ ਵੀ ਕਰ ਰਹੇ ਹਨ। ਇਹ ਪ੍ਰੋਜੈਕਟ ਕੰਪਨੀ ਦੀ ਯੋਜਨਾ ਦਾ ਪਹਿਲਾ ਪੜਾਅ ਹੈ। ਇਸ ਨੂੰ ਅਧਿਕਾਰਤ ਤੌਰ ’ਤੇ ਨਵੰਬਰ ਵਿੱਚ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਬੈਂਗਲੁਰੂ ਵਿੱਚ ਬਣ ਰਿਹਾ ਭਾਰਤ ਦਾ ਪਹਿਲਾ AI ਸ਼ਹਿਰ, ਇਨਸਾਨਾਂ ਨਾਲ ਮਿਲ ਕੇ ਕੰਮ ਕਰਨਗੇ ਰੋਬੋਟ ਅਤੇ ਡਿਜ਼ੀਟਲ ਟਵਿਨ
