ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਅੰਤਰਰਾਸ਼ਟਰੀ ਹਾਲਾਤ ਦਾ ਅਸਰ ਹੁਣ ਨਿਰਮਾਣ ਖੇਤਰ ਨਾਲ ਜੁੜੇ ਕਾਰੋਬਾਰਾਂ ’ਤੇ ਵੀ ਵੇਖਣ ਨੂੰ ਮਿਲ ਰਿਹਾ ਹੈ। ਖਾਸ ਕਰਕੇ ਟਫਨ ਗਲਾਸ ਦੇ ਵਪਾਰ ’ਤੇ ਇਸਦਾ ਸਿੱਧਾ ਪ੍ਰਭਾਵ ਪਿਆ ਹੈ। ਕਮਰਸ਼ੀਅਲ ਸਿਲੰਡਰਾਂ ਦੀ ਕਮੀ ਅਤੇ ਕੱਚੇ ਮਾਲ ਦੀਆਂ ਵਧੀਆਂ ਕੀਮਤਾਂ ਕਾਰਨ ਉਤਪਾਦਨ ਦੀ ਲਾਗਤ ਵਧ ਗਈ ਹੈ। ਇਸ ਕਾਰਨ ਵਪਾਰੀਆਂ ਨੂੰ ਬਦਲਵੇਂ ਪ੍ਰਬੰਧ ਕਰਨੇ ਪੈ ਰਹੇ ਹਨ। ਟਫਨ ਗਲਾਸ ਦੇ ਹੋਲ ਸੇਲਰ ਸਚਿਨ ਚੌਬੇ ਦੇ ਮੁਤਾਬਕ, ਜੰਗ ਤੋਂ ਪਹਿਲਾਂ ਪਲੇਨ ਗਲਾਸ ਦੀ ਕੀਮਤ ਕਰੀਬ 120 ਰੁਪਏ ਪ੍ਰਤੀ ਫੁੱਟ ਸੀ, ਪਰ ਮੌਜੂਦਾ ਹਾਲਾਤ ਵਿੱਚ ਟਫਨ ਗਲਾਸ ਦੀ ਕੀਮਤ ਵਧ ਕੇ 280 ਤੋਂ 320 ਰੁਪਏ ਪ੍ਰਤੀ ਫੁੱਟ ਤੱਕ ਪਹੁੰਚ ਗਈ ਹੈ।