ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਆਟੋ ਮੋਬਾਇਲ ਕੰਪਨੀ ਟੀ.ਵੀ.ਐਸ. ਮੋਟਰ ਨੇ ਆਪਣਾ ਨਵਾਂ ਇਲੈਕਟਿ੍ਰਕ ਦੋ ਪਹੀਆ ਵਾਹਨ ‘ਔਰਬਿਟਰ ਵੀ-1’ ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਨੂੰ ਕਿਫਾਇਤੀ ਕੀਮਤ ਨਾਲ ਬਾਜ਼ਾਰ ਵਿਚ ਪੇਸ਼ ਕੀਤਾ ਹੈ ਤਾਂ ਜੋ ਵੱਧ ਤੋਂ ਵੱਧ ਲੋਕ ਇਲੈਕਟਿ੍ਰਕ ਮੋਬਿਲਟੀ ਵੱਲ ਆਕਰਸ਼ਿਤ ਹੋ ਸਕਣ। ਕੰਪਨੀ ਮੁਤਾਬਕ ‘ਔਰਬਿਟਰ ਵੀ-1’ ਦੀ ਸ਼ੁਰੂਆਤੀ ਕੀਮਤ 49,999 ਰੁਪਏ ਰੱਖੀ ਗਈ ਹੈ, ਜੋ ‘ਬੈਟਰੀ-ਐਜ-ਏ-ਸਰਵਿਸ’ ਮਾਡਲ ਦੇ ਤਹਿਤ ਹੈ। ਜਦਕਿ ‘ਬੈਟਰੀ-ਐਜ-ਏ-ਸਰਵਿਸ’ ਮਾਡਲ ਤੋਂ ਬਿਨਾ ਇਸ ਸਕੂਟਰ ਦੀ ਕੀਮਤ 84,500 ਰੁਪਏ ਤੈਅ ਕੀਤੀ ਗਈ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਸਕੂਟਰ ਘੱਟ ਕੀਮਤ ਵਿਚ ਇਲੈਕਟਿ੍ਰਕ ਵਾਹਨਾਂ ਨੂੰ ਆਮ ਲੋਕਾਂ ਤੱਕ ਪਹੁੰਚਾਉਣ ਲਈ ਤਿਆਰ ਕੀਤਾ ਗਿਆ ਹੈ।
ਟੀ.ਵੀ.ਐਸ. ਨੇ ਲਾਂਚ ਕੀਤਾ ਨਵਾਂ ਇਲੈਕਟਿ੍ਰਕ ਸਕੂਟਰ ‘ਔਰਬਿਟਰ ਵੀ-1’
