ਪਾਕਿ ਫੌਜ ਨੇ ਅਫਗਾਨਿਸਤਾਨ ‘ਚ ਕੀਤਾ ਸਰਜੀਕਲ ਸਟ੍ਰਾਈਕ

15 ਅੱਤਵਾਦੀ ਮਾਰ ਮੁਕਾਏ
ਲਾਹੌਰ/ਬਿਊਰੋ ਨਿਊਜ਼
ਪਾਕਿਸਤਾਨੀ ਸੈਨਾ ਨੇ ਅਫ਼ਗ਼ਾਨਿਸਤਾਨ ਵਿੱਚ ਸਰਜੀਕਲ ਸਟ੍ਰਾਈਕ ਕੀਤਾ ਹੈ। ਇਸ ਸਰਜੀਕਲ ਸਟ੍ਰਾਈਕ ਵਿਚ 15 ਅਫ਼ਗ਼ਾਨ ਅੱਤਵਾਦੀਆਂ ਨੂੰ ਮਾਰ ਮੁਕਾਇਆ ਹੈ। ਜਾਣਕਾਰੀ ਅਨੁਸਾਰ ਪਾਕਿਸਤਾਨ ਸੈਨਾ ਨੇ ਅਫਗਾਨਿਸਤਾਨ ਸੀਮਾ ਦੇ ਅੰਦਰ ਜਾ ਕੇ ਅੱਤਵਾਦੀਆਂ ਨੂੰ ਟਰੇਨਿੰਗ ਦੇਣ ਵਾਲੇ ਮੁਖੀਆਂ ਨੂੰ ਮਾਰਿਆ ਹੈ। ਇਸ ਤੋਂ ਇਲਾਵਾ ਸੈਨਾ ਨੇ ਅੱਤਵਾਦੀਆਂ ਦੇ 12 ਹੋਰ ਟਰੇਨਿੰਗ ਕੈਂਪਾਂ ਨੂੰ ਵੀ ਨਿਸ਼ਾਨਾ ਬਣਾਇਆ।
ਇਨ੍ਹਾਂ ਵਿੱਚ ਜਮਾਤ-ਓਲ-ਅਹਰਾਰ ਦੇ ਕਮਾਂਡਰ ਦਾ ਹਥਿਆਰਾਂ ਦਾ ਗੁਦਾਮ ਵੀ ਸ਼ਾਮਲ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਹੋਈਆਂ ਅੱਤਵਾਦੀ ਘਟਨਾਵਾਂ ਤੋਂ ਬਾਅਦ ਪਾਕਿ ਸੁਰੱਖਿਆ ਬਲਾਂ ਨੇ 350 ਅੱਤਵਾਦੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਅੱਤਵਾਦੀਆਂ ਵਿੱਚੋਂ ਜ਼ਿਆਦਾਤਰ ਅਫ਼ਗ਼ਾਨੀ ਹਨ।