ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਮਦਰਾਸ ਹਾਈਕੋਰਟ ਨੇ ਤਾਲਿਮਨਾਡੂ ਦੀ ਸਾਬਕਾ ਮੁੱਖ ਮੰਤਰੀ ਜੈਲਲਿਤਾ ਦੀ ਮੌਤ ਨਾਲ ਸਬੰਧਤ ਇਕ ਪਟੀਸ਼ਨ ਦੇ ਸਬੰਧ ਵਿਚ ਪੁੱਛਿਆ ਕਿ ਮੌਤ ਦਾ ਸੱਚ ਜਾਨਣ ਲਈ ਕਿਉਂ ਨਾ ਦਫਨ ਕੀਤੀ ਗਈ ਲਾਸ਼ ਨੂੰ ਬਾਹਰ ਕੱਢਿਆ ਜਾਵੇ। ਕੋਰਟ ਦਾ ਮੰਨਣਾ ਹੈ ਕਿ ਤਾਮਿਲਨਾਡੂ ਸਰਕਾਰ ਨੇ, ਹੈਲਥ ਵਿਭਾਗ ਨੇ ਤੇ ਹਸਪਤਾਲ ਨੇ ਜੈਲਲਿਤਾ ਦੀ ਮੌਤ ਨਾਲ ਜੁੜੇ ਸ਼ੰਕਿਆਂ ਨੂੰ ਸਪੱਸ਼ਟ ਨਹੀਂ ਕੀਤਾ ਜਿਸ ਦੇ ਚੱਲਦਿਆਂ ਇਹ ਪਟੀਸ਼ਨ ਸਾਹਮਣੇ ਆਈ ਹੈ ਤੇ ਕੋਰਟ ਨੇ ਪੁੱਛਿਆ ਕਿਉਂ ਨਾ ਮੌਤ ਦੇ ਕਾਰਨਾਂ ਲਈ ਜੈਲਲਿਤਾ ਦੀ ਲਾਸ਼ ਨੂੰ ਬਾਹਰ ਕੱਢ ਲਿਆ ਜਾਵੇ। ਧਿਆਨ ਰਹੇ ਕਿ ਲੰਘੀ ਪੰਜ ਦਸੰਬਰ ਨੂੰ ਜੈਲਲਿਤਾ ਦੀ ਮੌਤ ਹੋ ਗਈ ਸੀ।
ਹਾਈਕੋਰਟ ਨੇ ਪੁੱਛਿਆ ਕਿਉਂ ਨਾ ਜੈਲਲਿਤਾ ਦੀ ਲਾਸ਼ ਨੂੰ ਕੱਢ ਕੇ ਮੌਤ ਦਾ ਕਾਰਨ ਪਤਾ ਲਗਾਇਆ ਜਾਵੇ
