ਕੇਜਰੀਵਾਲ ‘ਤੇ ਬੀਕਾਨੇਰ ‘ਚ ਸੁੱਟੀ ਗਈ ਸਿਆਹੀ

ਬੀਕਾਨੇਰ/ਬਿਊਰੋ ਨਿਊਜ਼
ਫ਼ੌਜ ਦੀ ਸਰਜੀਕਲ ਸਟ੫ਾਈਕ ਨੂੰ ਲੈ ਕੇ ਟਿੱਪਣੀ ਤੋਂ ਭੜਕੇ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ ਦੇ ਵਰਕਰਾਂ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ‘ਤੇ ਸਿਆਹੀ ਸੁੱਟ ਦਿੱਤੀ। ਘਟਨਾ ਮੰਗਲਵਾਰ ਨੂੰ ਬੀਕਾਨੇਰ ਦੇ ਟਰਾਂਸਪੋਰਟ ਨਗਰ ‘ਚ ਵਾਪਰੀ ਹੈ। ਕੋਟ ਗੇਟ ਥਾਣੇ ਦੇ ਡਿਪਟੀ ਇੰਸਪੈਕਟਰ ਬੀਰਬਲ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਵਰਕਰ ਹੀਰਾਲਾਲ ਸੇਵਤਾ ਦੀ ਪਤਨੀ ਦੇ ਦਿਹਾਂਤ ‘ਤੇ ਸੋਗ ਪ੍ਰਗਟ ਕਰਨ ਲਈ ਆਏ ਸਨ।
ਇਸੇ ਦੌਰਾਨ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ ਦੇ ਵਰਕਰਾਂ ਨੇ ਉਨ੍ਹਾਂ ਖ਼ਿਲਾਫ਼ ਨਾਅਰੇਬਾਜ਼ੀ ਕਰਦੇ ਹੋਏ ਉਨ੍ਹਾਂ ‘ਤੇ ਸਿਆਹੀ ਸੁੱਟ ਦਿੱਤੀ। ਇਸ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਦਿਨੇਸ਼ ਓਝਾ ਤੇ ਵਿਕਰਮ ਸਿੰਘ ਨੂੰ ਮੌਕੇ ‘ਤੇ ਹੀ ਹਿਰਾਸਤ ‘ਚ ਲਿਆ ਗਿਆ।