ਮਾਲਿਆ, ਨੀਰਵ ਮੋਦੀ ਤੇ ਚੋਕਸੀ ਤੋਂ ਬੈਂਕਾਂ ‘ਚ ਵਾਪਸ ਆਏ 18,000 ਕਰੋੜ ਰੁਪਏ

ਭਾਰਤ ਦੀ ਕੇਂਦਰ ਸਰਕਾਰ ਨੇ ਸੁਪਰੀਮ ਕੋਰਟ ‘ਚ ਦੱਸਿਆ
ਨਵੀਂ ਦਿੱਲੀ/ਬਿਊਰੋ ਨਿਊਜ਼ : ਭਾਰਤ ਦੀ ਕੇਂਦਰ ਸਰਕਾਰ ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਵਿਜੈ ਮਾਲਿਆ, ਨੀਰਵ ਮੋਦੀ ਅਤੇ ਮੇਹੁਲ ਚੋਕਸੀ ਦੇ ਮਾਮਲੇ ‘ਚ ਬੈਂਕਾਂ ਨੂੰ 18,000 ਕਰੋੜ ਰੁਪਏ ਵਾਪਸ ਆਏ ਹਨ। ਸਾਲਿਸਟਰ ਜਨਰਲ ਤੁਸ਼ਾਰ ਮਹਿਤਾ ਨੇ ਜਸਟਿਸ ਏ. ਐਮ. ਖਾਨਵਿਲਕਰ ਦੀ ਅਗਵਾਈ ਵਾਲੇ ਬੈਂਚ ਦੇ ਸਾਹਮਣੇ ਦੱਸਿਆ ਕਿ ਸੁਪਰੀਮ ਕੋਰਟ ‘ਚ ਬਕਾਇਆ ਹਵਾਲਾ ਰਾਸ਼ੀ ਦੀ ਰੋਕਥਾਮ ਐਕਟ (ਪੀ. ਐਮ. ਐਲ. ਏ.) ਨਾਲ ਜੁੜੇ ਮਾਮਲੇ ‘ਚ ਕੁੱਲ ਮਿਲਾ ਕੇ 67,000 ਕਰੋੜ ਰੁਪਏ ਹਨ। ਮਹਿਤਾ ਨੇ ਦੱਸਿਆ ਕਿ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ. ਡੀ.) ਮੌਜੂਦਾ ਸਮੇਂ ‘ਚ 4,700 ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਲੰਘੇ 5 ਸਾਲਾਂ ਦੇ ਦੌਰਾਨ ਈ. ਡੀ. ਵਲੋਂ ਜਾਂਚ ਦੇ ਨਵੇਂ ਮਾਮਲੇ ਸਾਲ 2015-16 ਦੇ 111 ਮਾਮਲਿਆਂ ਦੇ ਮੁਕਾਬਲੇ 2020-21 ‘ਚ 981 ਹਨ।