ਨਰਿੰਦਰ ਮੋਦੀ ਅਤੇ ਅਮਿਤ ਸ਼ਾਹ ‘ਤੇ ਲਗਾਏ ਜੰਮ ਕੇ ਸਿਆਸੀ ਨਿਸ਼ਾਨੇ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਪੱਛਮੀ ਬੰਗਾਲ ਵਿਚ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਸਿਆਸੀ ਮਾਹੌਲ ਪੂਰੀ ਤਰ੍ਹਾਂ ਗਰਮਾਇਆ ਹੋਇਆ ਹੈ। ਇਸਦੇ ਚੱਲਦਿਆਂ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਅੱਜ ਲਗਾਤਾਰ ਦੂਜੇ ਦਿਨ ਮਹਿਲਾਵਾਂ ਦੀ ਯਾਤਰਾ ਕੱਢ ਕੇ ਵੂਮੈਨ ਪਾਵਰ ਦਿਖਾਈ। ਧਿਆਨ ਰਹੇ ਕਿ ਲੰਘੇ ਕੱਲ੍ਹ ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਕੋਲਕਾਤਾ ਵਿਚ ਰੈਲੀ ਕਰ ਰਹੇ ਸਨ ਉਦੋਂ ਮਮਤਾ ਨੇ ਰਸੋਈ ਗੈਸ ਦੀਆਂ ਵਧੀਆਂ ਕੀਮਤਾਂ ਨੂੰ ਲੈ ਕੇ ਸਿਲੀਗੁੜੀ ਵਿਚ ਮਹਿਲਾਵਾਂ ਨੂੰ ਨਾਲ ਲੈ ਕੇ ਪੈਦਲ ਮਾਰਚ ਕੀਤਾ ਸੀ। ਮਮਤਾ ਨੇ ਆਪਣੇ ਗਲੇ ਵਿਚ ਜੈ ਬੰਗਲਾ ਲਿਖਿਆ ਪੋਸਟਰ ਵੀ ਪਹਿਨਿਆ ਹੋਇਆ ਸੀ। ਮਮਤਾ ਨੇ ਨਰਿੰਦਰ ਮੋਦੀ ਅਤੇ ਅਮਿਤ ਸ਼ਾਹ ‘ਤੇ ਸਿਆਸੀ ਹਮਲੇ ਬੋਲਦਿਆਂ ਕਿਹਾ ਕਿ ਬੰਗਾਲ ਨੂੰ ਬਾਹਰੀ ਗੁੰਡੇ ਨਹੀਂ ਚਾਹੀਦੇ। ਮਮਤਾ ਦਾ ਕਹਿਣਾ ਸੀ ਕਿ ਜਿਨ੍ਹਾਂ ਸੂਬਿਆਂ ਵਿਚ ਭਾਜਪਾ ਦੀ ਸਰਕਾਰ ਹੈ, ਉਥੇ ਅਪਰਾਧ ਵਧਿਆ ਅਤੇ ਮਹਿਲਾਵਾਂ ਖਿਲਾਫ ਅੱਤਿਆਚਾਰ ਵੀ ਹੁੰਦਾ ਹੈ।
ਮਮਤਾ ਬੈਨਰਜੀ ਨੇ ਦਿਖਾਈ ਵੂਮੈਨ ਪਾਵਰ
