ਸਿੰਘੂ ਬਾਰਡਰ ਦੀ ਸਟੇਜ ‘ਤੇ ਲੱਖੋਵਾਲ ਦਾ ਤਿੱਖਾ ਵਿਰੋਧ

ਕਿਸਾਨਾਂ ਕੋਲੋਂ ਮਾਫੀ ਮੰਗ ਕੇ ਹੇਠਾਂ ਉਤਰੇ
ਨਵੀਂ ਦਿੱਲੀ, ਬਿਊਰੋ ਨਿਊਜ਼
ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਪ੍ਰਧਾਨ ਅਜਮੇਰ ਸਿੰਘ ਲੱਖੋਵਾਲ ਦਾ ਸਿੰਘੂ ਬਾਰਡਰ ਦੀ ਸਟੇਜ ਤੋਂ ਉਸ ਵੇਲੇ ਜਮ ਕੇ ਵਿਰੋਧ ਹੋਣ ਲੱਗਾ ਜਦੋਂ ਅਜਮੇਰ ਸਿੰਘ ਲੱਖੋਵਾਲ ਸਟੇਜ ਤੋਂ ਕਿਸਾਨਾਂ ਨੂੰ ਸੰਬੋਧਨ ਕਰਨ ਲੱਗੇ। ਲੱਖੋਵਾਲ ਹਾਲੇ ਸਟੇਜ ਤੋਂ ਬੋਲਣ ਹੀ ਲੱਗੇ ਸਨ ਕਿ ਪੰਡਾਲ ‘ਚ ਬੈਠੇ ਵੱਡੀ ਗਿਣਤੀ ਵਿਅਕਤੀਆਂ ਨੇ ਉਨ੍ਹਾਂ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ। ਲੱਖੋਵਾਲ ਨੇ ਕਿਹਾ ਕਿ ਉਹ ਆਪਣਾ ਇਲਾਜ ਕਰਾ ਕੇ ਸਿੱਧਾ ਅਮਰੀਕਾ ਤੋਂ ਵਾਪਸ ਆਏ ਹਨ ਤੇ ਉਹ ਸਭ ਨੂੰ ਵਧਾਈ ਦੇਣਾ ਚਾਹੁੰਦੇ ਹਨ ਕਿ ਇਹ ਮੋਰਚਾ ਦੁਨੀਆਂ ‘ਚ ਇਤਿਹਾਸ ਬਣ ਗਿਆ। ਲੱਖੋਵਾਲ ਨੇ ਆਖਰ ਮਾਫੀ ਮੰਗੀ ਤੇ ਫਤਹਿ ਬੁਲਾ ਕੇ ਸਟੇਜ ਤੋਂ ਹੇਠਾਂ ਉਤਰ ਗਏ।