ਈਪੀਐਫਓ ਲਿਆ ਰਿਹਾ ਨਵਾਂ ਮੋਬਾਇਲ ਐਪ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਕਰਮਚਾਰੀ ਭਵਿੱਖੀ ਨਿਧੀ ਸੰਗਠਨ (ਈਪੀਐਫਓ) ਆਪਣੇ ਮੈਂਬਰਾਂ ਲਈ ਇਕ ਵੱਡੀ ਖੁਸ਼ਖਬਰੀ ਲੈ ਕੇ ਆ ਰਿਹਾ ਹੈ। ਹੁਣ ਪੀ.ਐਫ. ਖਾਤੇ ਵਿਚੋਂ ਪੈਸਾ ਕੱਢਣਾ ਪਹਿਲਾਂ ਨਾਲੋਂ ਕਾਫੀ ਅਸਾਨ ਹੋ ਜਾਵੇਗਾ। ਇਸ ਲਈ ਈਪੀਐਫਓ ਇਕ ਨਵਾਂ ਮੋਬਾਇਲ ਐਪ ਤਿਆਰ ਕਰ ਰਿਹਾ ਹੈ। ਇਸ ਐਪ ਦੇ ਜ਼ਰੀਏ ਤੁਸੀਂ ਯੂਪੀਆਈ ਦੀ ਮੱਦਦ ਨਾਲ ਆਪਣੇ ਪੀਐਫ ਵਿਚੋਂ ਕੁਝ ਪੈਸਾ ਤੁਰੰਤ ਕੱਢ ਸਕੋਗੇ। ਇਹ ਐਪ ਅਪ੍ਰੈਲ ਦੇ ਆਸ-ਪਾਸ ਲਾਂਚ ਹੋ ਸਕਦਾ ਹੈ। ਇਹ ਨਵਾਂ ਐਪ ਈਪੀਐਫਓ ਦੀਆਂ ਸੇਵਾਵਾਂ ਨੂੰ ਹੋਰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਦਾ ਹਿੱਸਾ ਹੈ। ਇਸਦਾ ਮਕਸਦ ਦਾਅਵਿਆਂ ਨੂੰ ਨਿਪਟਾਉਣ ਵਿਚ ਲੱਗਣ ਵਾਲਾ ਸਮਾਂ ਘਟਾਉਣਾ ਅਤੇ ਡਿਜ਼ੀਟਲ ਸੇਵਾਵਾਂ ਨੂੰ ਹੋਰ ਸੌਖਾ ਬਣਾਉਣਾ ਹੈ।
ਯੂਪੀਆਈ ਰਾਹੀਂ ਤੁਰੰਤ ਕੱਢ ਸਕੋਗੇ ਪੀ.ਐਫ. ਦਾ ਪੈਸਾ
