ਪੁਲਿਸ ਕਹਿੰਦੀ – ਸ਼ਰਾਰਤੀ ਅਨਸਰਾਂ ਨੂੰ ਜਲਦੀ ਫੜ ਲਿਆ ਜਾਵੇਗਾ
ਮੁਹਾਲੀ/ਬਿਊਰੋ ਨਿਊਜ਼
ਮੁਹਾਲੀ ਵਿਚ ਕਿਸੇ ਸ਼ਰਾਰਤੀ ਅਨਸਰ ਨੇ ਹੋਰਡਿੰਗ ‘ਤੇ ਛਪੀ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਫੋਟੋ ‘ਤੇ ਕਾਲਖ ਮਲ ਦਿੱਤੀ। ਇਹ ਕਾਲਖ ਬਲੌਂਗੀ-ਕੁੰਬੜਾ ਸੜਕ ‘ਤੇ ਲੱਗੇ ਹੋਰਡਿੰਗ ‘ਤੇ ਮਲੀ ਗਈ ਹੈ। ਪੁਲਿਸ ਨੇੜੇ-ਤੇੜੇ ਲੱਗੇ ਸੀਸੀ ਟੀਵੀ ਕੈਮਰਿਆਂ ਦੀ ਰਿਕਾਰਡਿੰਗ ਦੇਖ ਕੇ ਆਰੋਪੀਆਂ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਹੋਰਡਿੰਗ ‘ਤੇ ‘ਕਿਸਾਨ ਖੁਸ਼ਹਾਲ-ਪੰਜਾਬ ਖੁਸ਼ਹਾਲ’ ਦਾ ਇਸ਼ਤਿਹਾਰ ਛਪਿਆ ਹੋਇਆ ਸੀ। ਜ਼ਿਕਰਯੋਗ ਹੈ ਕਿ ਇਹ ਇਸ਼ਤਿਹਾਰੀ ਬੋਰਡ ਤਕਰੀਬਨ 15 ਫੁੱਟ ਉੱਚਾ ਸੀ। ਮੁਹਾਲੀ ਦੇ ਥਾਣਾ ਫੇਜ 1 ਦੇ ਐਸ.ਐਚ.ਓ. ਮਨਫੂਲ ਸਿੰਘ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ, ਜਿਸ ਨੇ ਵੀ ਅਜਿਹੀ ਹਰਕਤ ਕੀਤੀ ਹੈ, ਉਸ ਨੂੰ ਜਲਦੀ ਹੀ ਫੜ ਲਿਆ ਜਾਵੇਗਾ।
ਮੁਹਾਲੀ ‘ਚ ਹੋਰਡਿੰਗ ‘ਤੇ ਲੱਗੀ ਕੈਪਟਨ ਅਮਰਿੰਦਰ ਦੀ ਫੋਟੋ ਉਤੇ ਮਲੀ ਕਾਲਖ
