ਬੀ.ਐਸ.ਐਫ. ਨੇ ਕੀਤੀ ਬਰਾਮਦ
ਫਿਰੋਜ਼ਪੁਰ/ਬਿਊਰੋ ਨਿਊਜ਼
ਫਿਰੋਜ਼ਪੁਰ ਜ਼ਿਲ੍ਹੇ ਦੇ ਸਰਹੱਦੀ ਇਲਾਕੇ ਮਮਦੋਟ ਵਿਚ ਅੱਜ ਬੀ.ਐਸ.ਐਫ. ਨੇ ਸਵਾ 5 ਕਿਲੋ ਹੈਰੋਇਨ ਬਰਾਮਦ ਕੀਤੀ ਹੈ। ਇਸ ਖੇਪ ਨੂੰ ਐਨ.ਸੀ.ਬੀ. ਦੀ ਟੀਮ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ, ਜਿਸ ਤੋਂ ਬਾਅਦ ਲੱਗ ਜਾਵੇਗਾ ਕਿ ਪਾਕਿਸਤਾਨੀ ਤਸਕਰਾਂ ਵਲੋਂ ਸੁੱਟੀ ਗਈ ਹੈਰੋਇਨ ਕਿਸ ਭਾਰਤੀ ਤਸਕਰ ਨੂੰ ਪਹੁੰਚਾਈ ਜਾਣੀ ਸੀ। ਬੀ.ਐਸ.ਐਫ. ਦੇ ਅਧਿਕਾਰੀ ਨੇ ਦੱਸਿਆ ਕਿ ਅੱਜ ਸਵੇਰੇ ਬੀ.ਐਸ.ਐਫ. ਦੇ ਜਵਾਨਾਂ ਨੇ ਸਰਹੱਦ ‘ਤੇ ਤਲਾਸ਼ੀ ਅਭਿਆਨ ਚਲਾਇਆ ਤਾਂ ਕੁਝ ਸ਼ੱਕੀ ਵਿਅਕਤੀਆਂ ਦੀ ਆਵਾਜਾਈ ਬਾਰੇ ਪਤਾ ਲੱਗਾ ਤਾਂ ਜਵਾਨਾਂ ਨੇ ਉਨ੍ਹਾਂ ਨੂੰ ਲਲਕਾਰਿਆ। ਇਸ ਤੋਂ ਬਾਅਦ ਤਸਕਰ ਚੈਕ ਪੋਸਟ ਮਸਤਾ ਗੱਟੀ ਨੇੜੇ ਹੈਰੋਇਨ ਦੋ ਪੈਕੇਟ ਦੇ ਸੁੱਟ ਕੇ ਧੁੰਦ ਦਾ ਸਹਾਰਾ ਲੈ ਕੇ ਭੱਜਣ ਲਈ ਸਫਲ ਹੋ ਗਏ। ਬੀ.ਐਸ.ਐਫ. ਦੇ ਜਵਾਨਾਂ ਨੇ ਜਦੋਂ ਅੱਗੇ ਜਾ ਕੇ ਦੇਖਿਆ ਤਾਂ ਉਨ੍ਹਾਂ ਨੂੰ 10 ਪੈਕੇਟ ਹੈਰੋਇਨ ਦੇ ਬਰਾਮਦ ਹੋਏ ਹਨ।
ਸਰਹੱਦ ਪਾਰੋਂ ਤਸਕਰਾਂ ਨੇ ਸੁੱਟੀ ਸਵਾ ਪੰਜ ਕਿਲੋ ਹੈਰੋਇਨ
