New Delhi : ਭਾਰਤ ਵਿੱਚ ਇਲੈਕਟ੍ਰਿਕ ਵਾਹਨਾਂ (EV) ਦੀ ਤੇਜ਼ੀ ਨਾਲ ਵੱਧ ਰਹੀ ਮੰਗ ਨੂੰ ਦੇਖਦੇ ਹੋਏ ਹੁੰਡਈ ਮੋਟਰ ਇੰਡੀਆ ਨੇ ਆਪਣੇ ਗਾਹਕਾਂ ਲਈ ਇੱਕ ਵੱਡਾ ਐਲਾਨ ਕੀਤਾ ਹੈ। ਕੰਪਨੀ ਨੇ Hyundai Creta Electric ਲਈ Assured Buyback Program ਦੀ ਸ਼ੁਰੂਆਤ ਕੀਤੀ ਹੈ, ਜਿਸ ਦਾ ਮਕਸਦ ਗਾਹਕਾਂ ਦੀ ਇਲੈਕਟ੍ਰਿਕ ਕਾਰਾਂ ਦੀ ਰੀਸੇਲ ਵੈਲਿਊ ਨੂੰ ਲੈ ਕੇ ਚਿੰਤਾ ਦੂਰ ਕਰਨਾ ਹੈ।
ਕੰਪਨੀ ਦੇ ਮੁਤਾਬਕ, ਇਸ ਯੋਜਨਾ ਤਹਿਤ ਗਾਹਕਾਂ ਨੂੰ 3 ਸਾਲ ਜਾਂ 45,000 ਕਿਲੋਮੀਟਰ (ਜੋ ਪਹਿਲਾਂ ਪੂਰੇ ਹੋਣ) ਤੱਕ ਕਾਰ ਦੀ 60 ਫੀਸਦੀ ਅਸ਼ੋਰਡ ਬਾਇਬੈਕ ਵੈਲਿਊ ਮਿਲੇਗੀ। ਇਸ ਨਾਲ ਗਾਹਕਾਂ ਨੂੰ ਭਵਿੱਖ ਵਿੱਚ ਆਪਣੀ ਕਾਰ ਵੇਚਣ ਵੇਲੇ ਵਧੀਆ ਕੀਮਤ ਮਿਲਣ ਦਾ ਭਰੋਸਾ ਮਿਲੇਗਾ।
ਲੰਬੀ ਡਰਾਈਵਿੰਗ ਰੇਂਜ ਨਾਲ ਆਉਂਦੀ ਹੈ Creta Electric
Hyundai Creta Electric ਨੂੰ ਆਧੁਨਿਕ ਤਕਨਾਲੋਜੀ ਅਤੇ ਸ਼ਾਨਦਾਰ ਡਰਾਈਵਿੰਗ ਰੇਂਜ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਵਿੱਚ 51.4 kWh ਅਤੇ 42 kWh ਦੇ ਦੋ ਬੈਟਰੀ ਪੈਕਾਂ ਦਾ ਵਿਕਲਪ ਮਿਲਦਾ ਹੈ।
51.4 kWh ਬੈਟਰੀ ਪੈਕ ਨਾਲ SUV ਇੱਕ ਵਾਰ ਚਾਰਜ ਕਰਨ ‘ਤੇ ARAI ਸਰਟੀਫਾਈਡ 510 ਕਿਲੋਮੀਟਰ ਤੱਕ ਦੀ ਰੇਂਜ ਦਿੰਦੀ ਹੈ।
42 kWh ਬੈਟਰੀ ਪੈਕ ਨਾਲ ਇਹ ਕਾਰ 420 ਕਿਲੋਮੀਟਰ ਤੱਕ ਚੱਲ ਸਕਦੀ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਨਵੇਂ ਬਾਇਬੈਕ ਪ੍ਰੋਗਰਾਮ ਨਾਲ ਗਾਹਕਾਂ ਦਾ ਇਲੈਕਟ੍ਰਿਕ ਵਾਹਨਾਂ ‘ਤੇ ਭਰੋਸਾ ਹੋਰ ਮਜ਼ਬੂਤ ਹੋਵੇਗਾ ਅਤੇ ਦੇਸ਼ ਵਿੱਚ EV ਨੂੰ ਅਪਣਾਉਣ ਦੀ ਰਫ਼ਤਾਰ ਵੀ ਵਧੇਗੀ।