New Delhi : ਭਾਰਤ ਭਰ ਦੇ GST ਕਾਰੋਬਾਰੀਆਂ ਲਈ ਰਾਹਤ ਭਰੀ ਖ਼ਬਰ ਸਾਹਮਣੇ ਆਈ ਹੈ। GST ਨੈੱਟਵਰਕ (GSTN) ਵੱਲੋਂ 1 ਅਗਸਤ ਤੋਂ E-Way Bill ਨਾਲ ਸੰਬੰਧਿਤ ਜੋ ਨਵਾਂ ਨਿਯਮ ਲਾਗੂ ਕੀਤਾ ਜਾਣਾ ਸੀ, ਉਸ ਨੂੰ ਫਿਲਹਾਲ ਟਾਲ ਦਿੱਤਾ ਗਿਆ ਹੈ। ਇਸ ਫੈਸਲੇ ਨਾਲ ਉਨ੍ਹਾਂ ਵਪਾਰੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ ਜੋ ਇਸ ਨਵੇਂ ਨਿਯਮ ਨੂੰ ਲਾਗੂ ਕਰਨ ਲਈ ਹੋਰ ਸਮੇਂ ਦੀ ਮੰਗ ਕਰ ਰਹੇ ਸਨ। ਨਵੇਂ ਨਿਯਮ ਅਧੀਨ “Ship To GSTIN” ਪ੍ਰਣਾਲੀ ਲਾਗੂ ਕੀਤੀ ਜਾਣੀ ਸੀ। ਇਸ ਦੇ ਲਾਗੂ ਹੋਣ ਤੋਂ ਬਾਅਦ E-Way Bill ਬਣਾਉਂਦੇ ਸਮੇਂ ਪਹਿਲਾਂ ਨਾਲੋਂ ਵੱਧ ਜਾਣਕਾਰੀਆਂ ਲਾਜ਼ਮੀ ਤੌਰ ‘ਤੇ ਭਰਨੀਆਂ ਪੈਂਦੀਆਂ। ਪ੍ਰਸਤਾਵਿਤ ਨਿਯਮ ਅਨੁਸਾਰ, ਜੇਕਰ ਕਿਸੇ ਮਾਲ ਦੀ ਸਪਲਾਈ ਕਿਸੇ ਅਜਿਹੇ ਵਿਅਕਤੀ ਜਾਂ ਸੰਸਥਾ ਨੂੰ ਕੀਤੀ ਜਾਂਦੀ ਹੈ ਜਿਸ ਦਾ GST ਰਜਿਸਟ੍ਰੇਸ਼ਨ ਹੈ, ਤਾਂ E-Way Bill ਤਿਆਰ ਕਰਦੇ ਸਮੇਂ ਉਸ ਦਾ GSTIN (Goods and Services Tax Identification Number) ਦਰਜ ਕਰਨਾ ਲਾਜ਼ਮੀ ਹੋਣਾ ਸੀ। ਫਿਲਹਾਲ ਇਸ ਨਿਯਮ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਹੈ, ਜਿਸ ਨਾਲ ਕਾਰੋਬਾਰੀਆਂ ਨੂੰ ਆਪਣੀਆਂ ਪ੍ਰਕਿਰਿਆਵਾਂ ਅਨੁਕੂਲ ਬਣਾਉਣ ਲਈ ਹੋਰ ਸਮਾਂ ਮਿਲੇਗਾ। ਸਰਕਾਰ ਵੱਲੋਂ ਇਸ ਨਿਯਮ ਦੀ ਨਵੀਂ ਲਾਗੂ ਮਿਤੀ ਬਾਰੇ ਹਾਲੇ ਕੋਈ ਅਧਿਕਾਰਿਕ ਐਲਾਨ ਨਹੀਂ ਕੀਤਾ ਗਿਆ।
GST ਕਾਰੋਬਾਰੀਆਂ ਲਈ ਵੱਡੀ ਰਾਹਤ! 1 ਅਗਸਤ ਤੋਂ ਲਾਗੂ ਹੋਣ ਵਾਲਾ E-Way Bill ਦਾ ਨਵਾਂ ਨਿਯਮ ਫਿਲਹਾਲ ਟਲਿਆ
