ਗੁਜਰਾਤ ’ਚ 1800 ਕਰੋੜ ਰੁਪਏ ਤੋਂ ਵੱਧ ਕੀਮਤ ਦੀ ਡਰੱਗ ਜ਼ਬਤ

ਸਮੁੰਦਰ ’ਚ ਡਰੱਗ ਸੁੱਟ ਕੇ ਭੱਜੇ ਤਸਕਰ

ਅਹਿਮਦਾਬਾਦ/ਬਿਊਰੋ ਨਿਊਜ਼

ਗੁਜਰਾਤ ਵਿਚ ਇੰਡੀਅਨ ਕੋਸਟ ਗਾਰਡ ਨੇ 300 ਕਿਲੋ ਡਰੱਗ ਜ਼ਬਤ ਕੀਤੀ ਹੈ, ਜਿਸਦੀ ਕੀਮਤ 1800 ਕਰੋੜ ਰੁਪਏ ਤੋਂ ਵੱਧ ਦੱਸੀ ਜਾ ਰਹੀ ਹੈ। ਗੁਜਰਾਤ ਏਟੀਐਸ ਅਤੇ ਕੋਸਟ ਗਾਰਡ ਵਲੋਂ 12-13 ਅਪ੍ਰੈਲ ਦੀ ਰਾਤ ਨੂੰ ਸਾਂਝੇ ਅਪਰੇਸ਼ਨ ਦੇ ਤਹਿਤ ਪੋਰਬੰਦਰ ਤੋਂ 190 ਕਿਲੋਮੀਟਰ ਦੂਰ ਸਮੁੰਦਰ ਵਿਚੋਂ ਡਰੱਗ ਦੀ ਖੇਪ ਨੂੰ ਬਰਾਮਦ ਕੀਤਾ ਗਿਆ ਹੈ। ਗੁਜਰਾਤ ਏਟੀਐਸ ਤੋਂ ਮਿਲੀ ਜਾਣਕਾਰੀ ਤੋਂ ਬਾਅਦ ਕੋਸਟ ਗਾਰਡ ਨੇ ਅੰਤਰਰਾਸ਼ਟਰੀ ਸਮੁੰਦਰੀ ਸੀਮਾ ਰੇਖਾ ਵੱਲ ਸਰਚ ਲਈ ਜਹਾਜ਼ ਭੇਜਿਆ ਸੀ। ਦੱਸਿਆ ਗਿਆ ਕਿ ਤਸਕਰ ਡਰੱਗ ਸਮੁੰਦਰ ਵਿਚ ਸੁੱਟ ਕੇ ਭੱਜ ਗਏ। ਕੋਸਟ ਗਾਰਡ ਦੀ ਟੀਮ ਨੇ ਸਮੁੰਦਰ ਵਿਚ ਸੁੱਟੀ ਗਈ ਡਰੱਗ ਨੂੰ ਰੈਸਕਿਊ ਬੋਟ ਦੀ ਮੱਦਦ ਨਾਲ ਬਾਹਰ ਕੱਢਿਆ।