ਸੁਨੀਅਤ ਵਿਲੀਅਮਜ਼ ਨੇ ਭਾਰਤੀ ਸਪੇਸ ਪ੍ਰੋਗਰਾਮ ਨਾਲ ਜੁੜਨ ਦੀ ਪ੍ਰਗਟਾਈ ਇੱਛਾ

ਕਿਹਾ : ਭਾਰਤ ਸਪੇਸ ਪ੍ਰੋਗਰਾਮ ’ਚ ਬਣਾ ਰਿਹਾ ਹੈ ਆਪਣੀ ਚੰਗੀ ਥਾਂ
ਵਾਸ਼ਿੰਗਟਨ/ਬਿਊਰੋ ਨਿਊਜ਼ : ਭਾਰਤੀ ਮੂਲ ਦੀ ਅਮਰੀਕੀ ਐਸਟਰੋਨਾਟ ਸੁਨੀਤਾ ਵਿਲੀਅਮਜ਼ ਨੇ ਸਪੇਸ ਤੋਂ ਵਾਪਸ ਪਰਤਣ ਤੋਂ ਬਾਅਦ ਪਹਿਲੀ ਵਾਰ ਪ੍ਰੈਸ ਕਾਨਫਰੰਸ ਕੀਤੀ। ਸੁਨੀਤਾ ਨੇ ਆਪਣੇ ਸਾਥੀ ਐਸਟਰੋਨਾਟ ਬੁਚ ਵਿਲਮੋਰ ਅਤੇ ਨਿਕ ਹੇਗ ਦੇ ਨਾਲ ਟੈਕਸਾਸ ਦੇ ਜਾਨਸਨ ਸਪੇਸ ਸੈਂਟਰ ’ਚ ਮੀਡੀਆ ਨਾਲ ਗੱਲਬਾਤ ਵੀ ਕੀਤੀ। ਉਨ੍ਹਾਂ ਕਿਹਾ ਕਿ ਭਾਰਤ ਸਪੇਸ ਪ੍ਰੋਗਰਾਮ ’ਚ ਆਪਣੀ ਚੰਗੀ ਜਗ੍ਹਾ ਬਣਾ ਰਿਹਾ ਹੈ ਅਤੇ ਉਹ ਇਸ ਦਾ ਹਿੱਸਾ ਬਣਨਾ ਚਾਹੁੰਦੇ ਹਨ। ਇਸ ’ਤੇ ਇਸਰੋ ਚੀਫ਼ ਨੇ ਕਿਹਾ ਕਿ ਭਾਰਤ ਸੁਨੀਤਾ ਵਿਲੀਅਮਜ਼ ਦੇ ਤਜ਼ਰਬੇ ਨੂੰ ਸਪੇਸ ਐਕਸਪਲੋਰੇਸ਼ਨ ’ਚ ਇਸਤੇਮਾਲ ਕਰਨਾ ਚਾਹੁੰਦਾ ਹੈ ਅਤੇ ਤੁਹਾਨੂੰ ਭਵਿੱਖ ’ਚ ਇਸਰੋ ਨਾਲ ਕੰਮ ਕਰਦੇ ਹੋਏ ਦੇਖਣਾ ਚਾਹੁੰਦੇ ਹਾਂ। ਧਿਆਨ ਰਹੇ ਕਿ ਭਾਰਤੀ ਮੂਲ ਦੀ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਆਪਣੇ ਸਾਥੀਆਂ ਦੇ ਨਾਲ ਪੁਲਾੜ ਵਿਚ 9 ਮਹੀਨੇ ਗੁਜ਼ਾਰਨ ਤੋਂ ਬਾਅਦ ਲੰਘੇ ਦਿਨੀਂ ਸਫ਼ਲਤਾ ਪੂਰਵਕ ਧਰਤੀ ’ਤੇ ਪਹੁੰਚੇ ਸਨ।