ਟਾਟਾ ਸੰਜ਼ ਨੇ ਚੇਅਰਮੈਨ ਮਿਸਤਰੀ ਨੂੰ ਹਟਾਇਆ

ਮੁੰਬਈ : ਟਾਟਾ ਸੰਜ਼ ਨੇ ਨਾਟਕੀ ਘਟਨਾਕ੍ਰਮ ਤਹਿਤ ਸਾਇਰਸ ਮਿਸਤਰੀ ਨੂੰ ਚੇਅਰਮੈਨ ਦੇ ਅਹੁਦੇ ਤੋਂ ਹਟਾ ਕੇ ਰਤਨ ਟਾਟਾ (78) ਨੂੰ ਅੰਤਰਿਮ ਮੁਖੀ ਦਾ ਅਹੁਦਾ ਸੰਭਾਲ ਦਿੱਤਾ ਹੈ। ઠਚਾਰ ਸਾਲ ਪਹਿਲਾਂ 100 ਅਰਬ ਡਾਲਰ ਤੋਂ ਵੱਧ ਦੀ ਕੰਪਨੀ ਦਾ ਚੇਅਰਮੈਨ ਮਿਸਤਰੀ ਨੂੰ ਬਣਾਇਆ ਗਿਆ ਸੀ। ਟਾਟਾ ਸੰਜ਼ ਬੋਰਡ ਦੀ ਬੈਠਕ ਦੌਰਾਨ 48 ਵਰ੍ਹਿਆਂ ਦੇ ਮਿਸਤਰੀ ਨੂੰ ਹਟਾਉਣ ਦਾ ਫ਼ੈਸਲਾ ਲਿਆ ਗਿਆ। ਬੋਰਡ ਨੇ ਪੰਜ ਮੈਂਬਰੀ ਖੋਜ ਕਮੇਟੀ ਵੀ ਬਣਾਈ ਹੈ, ਜੋ ਚਾਰ ਮਹੀਨਿਆਂ ਅੰਦਰ ਮਿਸਤਰੀ ਦੇ ਉੱਤਰਾਧਿਕਾਰੀ ਦੀ ਚੋਣ ਕਰੇਗੀ ਜਿਸ ‘ਚ ਰਤਨ ਟਾਟਾ ਵੀ ਸ਼ਾਮਲ ਹਨ।