ਸਿੱਖ ਸੇਵਾ ਫੋਰਸ ਸਿੰਘੂ ਬਾਰਡਰ ‘ਤੇ ਦੇ ਰਹੀ ਹੈ ਮੁਫ਼ਤ ਸੇਵਾਵਾਂ

ਭਾਦਸੋਂ : ਕੇਂਦਰ ਦੇ ਕਿਸਾਨ ਵਿਰੋਧੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਜਿਥੇ ਕਿਸਾਨਾਂ ਸਮੇਤ ਹਰ ਵਰਗ ਸੰਘਰਸ਼ ਅਖਤਿਆਰ ਕਰੀ ਬੇੈਠਾ ਹੈ, ਉਥੇ ਸੰਘਰਸ਼ੀ ਯੋਧਿਆਂ ਲਈ ਰੋਜ਼ਾਨਾ ਜ਼ਰੂਰੀ ਵਸਤਾਂ ਪ੍ਰਦਾਨ ਕਰਕੇ ਸਿੱਖ ਸੇਵਾ ਫੋਰਸ ਦੇ ਵਾਲੰਟੀਅਰਾਂ ਵੱਲੋਂ ਇਨ੍ਹਾਂ ਸੇਵਾਵਾਂ ਵਿਚ ਅਹਿਮ ਭੂਮਿਕਾ ਨਿਭਾਈ ਜਾ ਰਹੀ ਹੈ। ਸਿੰਘੂ ਬਾਰਡਰ ਉਤੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਰਣਜੀਤ ਸਿੰਘ ਗੋਲਡੀ ਨੇ ਦੱਸਿਆ ਕਿ ਅੰਗਰੇਜ ਸਿੰਘ ਯੂ.ਐਸ.ਏ, ਲਾਭ ਸਿੰਘ , ਅਸ਼ਵਨੀ ਕੁਮਾਰ ਬੱਤਾ, ਜਸਵਿੰਦਰ ਸਿੰਘ ਕਾਕਾ ਜੀ ਐਨ ਆਰ ਆਈ ਅਤੇ ਹੋਰ ਸੰਗਤਾਂ ਦੇ ਸਹਿਯੋਗ ਨਾਲ ਇਥੇ ਕੋਲਗੇਟ, ਸਾਬਣਾਂ, ਸਰਫ, ਰਾਸ਼ਨ, ਪਾਣੀ, ਬੁਰਸ਼, ਸੈਂਪੂ ਸਮੇਤ ਮੈਡੀਕਲ ਅਤੇ ਹੋਰ ਵਸਤਾਂ ਦਿੱਤੀਆ ਜਾ ਰਹੀਆਂ ਹਨ ਤਾਂ ਜੋ ਸੰਘਰਸ਼ ‘ਤੇ ਬੈਠੇ ਯੋਧਿਆਂ ਨੂੰ ਕੋਈ ਸਮੱਸਿਆ ਨਾ ਆ ਸਕੇ। ਉਨ੍ਹਾਂ ਦੱਸਿਆ ਕਿ ਉਹ ਇਥੇ ਕਰੀਬ ਪਿਛਲੇ ਦੋ ਮਹੀਨਿਆਂ ਤੋਂ ਸੇਵਾਵਾ ਨਿਭਾ ਰਹੇ ਹਨ।