ਪੀਲੀਭੀਤ : ਗਾਜ਼ੀਪੁਰ ਨੇੜੇ ਸੜਕ ਹਾਦਸੇ ਵਿਚ ਮਾਰੇ ਗਏ ਕਿਸਾਨ ਦੀ ਮਾਂ ਅਤੇ ਭਰਾ ਖਿਲਾਫ ਤਿਰੰਗੇ ਦਾ ਅਪਮਾਨ ਕਰਨ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਗਿਆ ਹੈ। ਕਿਸਾਨ ਦੇ ਅੰਤਿਮ ਸਸਕਾਰ ਮੌਕੇ ਉਸਦੀ ਦੇਹ ਨੂੰ ਤਿਰੰਗੇ ਵਿਚ ਲਪੇਟਿਆ ਗਿਆ ਸੀ। ਮੁਲਕ ਦੇ ਫਲੈਗ ਕੋਡ ਮੁਤਾਬਕ ਆਮ ਵਿਅਕਤੀ ਦੇ ਸਸਕਾਰ ਮੋਕੇ ਉਸਦੀ ਦੇਹ ਨੂੰ ਤਿਰੰਗੇ ਵਿਚ ਲਪੇਟਣਾ ਜ਼ੁਰਮ ਹੈ। ਐਸਪੀ ਜੈ ਪ੍ਰਕਾਸ਼ ਯਾਦਵ ਨੇ ਦੱਸਿਆ ਕਿ ਸਿਹਰਾਮਾਉ ਇਲਾਕੇ ਦੇ ਪਿੰਡ ਬਾੜੀ ਬੁਝੀਆ ਦਾ ਵਸਨੀਕ ਬਲਜਿੰਦਰ 23 ਜਨਵਰੀ ਨੂੰ ਆਪਣੇ ਦੋਸਤਾਂ ਨਾਲ ਕਿਸਾਨ ਅੰਦੋਲਨ ਵਿਚ ਸ਼ਮੂਲੀਅਤ ਲਈ ਗਿਆ ਸੀ, ਪਰ 25 ਜਨਵਰੀ ਨੂੰ ਹਾਦਸੇ ਵਿਚ ਉਸਦੀ ਮੌਤ ਹੋ ਗਈ ਸੀ। ਐਫਆਈਆਰ ਦਰਜ ਕੀਤੀ ਗਈ ਹੈ।
ਤਿਰੰਗੇ ਦੇ ਅਪਮਾਨ ਦੇ ਨਾਮ ‘ਤੇ ਕਿਸਾਨ ਦੀ ਮਾਂ ਤੇ ਭਰਾ ਖਿਲਾਫ ਕੇਸ
