ਬਰੈਂਪਟਨ ਗੈਸ ਸਟੇਸ਼ਨ ਨੂੰ ਬੰਦੂਕਧਾਰੀਆਂ ਨੇ ਲੁੱਟਿਆ

ਬਰੈਂਪਟਨ : ਪੀਲ ਰੀਜਨਲ ਪੁਲਿਸ 5 ਅਗਸਤ ਨੂੰ ਬਰੈਂਪਟਨ ਦੇ ਇਕ ਗੈਸ ਸਟੇਸ਼ਨ ‘ਤੇ ਹੋਈ ਲੁੱਟ ਦੇ ਮਾਮਲੇ ‘ਚ ਦੋ ਲੁਟੇਰਿਆਂ ਨੂੰ ਲੱਭ ਰਹੀ ਹੈ। ਇਹ ਲੁੱਟ ਰਾਤ ਨੂੰ 10:30 ਵਜੇ ਤੋਂ ਬਾਅਦ ਹੋਈ ਅਤੇ 10:45 ‘ਤੇ ਪੁਲਿਸ ਨੂੰ ਸੂਚਨਾ ਮਿਲੀ। ਇਹ ਗੈਸ ਸਟੇਸ਼ਨ ਮੇਅਫੀਲਡ ਐਂਡ ਏਅਰਪੋਰਟ ਰੋਡ ‘ਤੇ ਬਰੈਂਪਟਨ ਕੇਲੇਡਨ ਸਰਹੱਦ ‘ਤੇ ਸਥਿਤ ਹੈ।
ਇਸ ਲੁੱਟ ਦੌਰਾਨ ਲੁਟੇਰਿਆਂ ਨੇ ਇਕ ਗੰਨ ਵੀ ਲਹਿਰਾਈ। ਲੁੱਟ ਦੇ ਦੌਰਾਨ ਕੋਈ ਵੀ ਜਖ਼ਮੀ ਨਹੀਂ ਹੋਇਆ। ਪੁਲਿਸ ਟੀਮਾਂ ਲਗਾਤਾਰ ਮਾਮਲੇ ਦੇ ਆਰੋਪੀਆਂ ਦੀ ਭਾਲ ਕਰ ਰਹੀਆਂ ਹਨ। ਪੁਲਿਸ ਦੇ ਅਨੁਸਾਰ ਦੋਵੇਂ ਲੁਟੇਰੇ ਲੁੱਟ ਤੋਂ ਬਾਅਦ ਪੈਦਲ ਹੀ ਉਥੋਂ ਭੱਜ ਗਏ। ਨੇੜਲੇ ਖੇਤਰਾਂ ਤੋਂ ਸੀਸੀਟੀਵੀ ਫੁਟੇਜ਼ ਪ੍ਰਾਪਤ ਕਰਨ ਦਾ ਯਤਨ ਕੀਤਾ ਜਾ ਰਿਹਾ ਹੈ। ਪੁਲਿਸ ਨੇ ਅੱਗੇ ਦੱਸਿਆ ਕਿ ਆਮ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਜੇਕਰ ਉਨ੍ਹਾਂ ਦੇ ਕੋਲ ਇਸ ਬਾਰੇ ਕੋਈ ਜਾਣਕਾਰੀ ਹੈ ਤਾਂ ਉਹ ਪੁਲਿਸ ਨਾਲ 905-453-3311 ‘ਤੇ ਸੰਪਰਕ ਕਰਕੇ ਸੂਚਨਾ ਦੇ ਕੇ ਜਾਣਕਾਰੀ ਸਾਂਝੀ ਕਰ ਸਕਦੇ ਹਨ।