New Delhi : ਟਾਟਾ ਮੋਟਰਜ਼ ਆਪਣੀ ਨਵੀਂ ਇਲੈਕਟ੍ਰਿਕ ਐਸਯੂਵੀ Tata Sierra EV ਤੋਂ 30 ਜੂਨ 2026 ਨੂੰ ਪਰਦਾ ਉਠਾ ਸਕਦੀ ਹੈ। ਇਸ ਮਾਡਲ ਨੂੰ ਪਹਿਲੀ ਵਾਰ 2020 ਦੇ ਆਟੋ ਐਕਸਪੋ ਵਿੱਚ ਕਾਂਸੈਪਟ ਵਾਹਨ ਵਜੋਂ ਪੇਸ਼ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ 2023 ਦੇ ਆਟੋ ਐਕਸਪੋ ਵਿੱਚ ਵੀ ਇਸ ਦੀ ਝਲਕ ਵੇਖਣ ਨੂੰ ਮਿਲੀ ਸੀ।
ਪਿਛਲੇ ਸਾਲ ਕੰਪਨੀ ਨੇ ਇਸ ਦੇ ਪ੍ਰੋਡਕਸ਼ਨ ਮਾਡਲ ਦੀ ਪਹਿਲੀ ਝਲਕ ਸਾਂਝੀ ਕੀਤੀ ਸੀ, ਜਿਸ ਨਾਲ ਇਸ ਦੇ ਡਿਜ਼ਾਇਨ ਬਾਰੇ ਕਾਫ਼ੀ ਜਾਣਕਾਰੀ ਮਿਲੀ ਸੀ।
ਉਮੀਦ ਕੀਤੀ ਜਾ ਰਹੀ ਹੈ ਕਿ Sierra EV ਦਾ ਡਿਜ਼ਾਇਨ ਇਸ ਦੇ ਪੈਟਰੋਲ ਮਾਡਲ ਨਾਲੋਂ ਕੁਝ ਵੱਖਰਾ ਹੋਵੇਗਾ। ਇਸ ਵਿੱਚ ਬਲੈਂਕਡ-ਆਫ ਗ੍ਰਿੱਲ, ਨਵਾਂ ਫਰੰਟ ਬੰਪਰ ਅਤੇ EV-ਸਪੈਸ਼ਲ ਸਟਾਈਲਿੰਗ ਦੇਖਣ ਨੂੰ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ ਗੱਡੀ ‘ਤੇ “.ev” ਬੈਜਿੰਗ ਵੀ ਦਿੱਤੀ ਜਾ ਸਕਦੀ ਹੈ, ਜੋ ਇਸ ਦੀ ਇਲੈਕਟ੍ਰਿਕ ਪਛਾਣ ਨੂੰ ਹੋਰ ਉਭਾਰੇਗੀ।