ਭਾਰਤੀ ਰੇਲਵੇ ਨੇ ਟਰੇਨ ਟਿਕਟ ਦੇ ਨਿਯਮ ਬਦਲੇ

ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਭਾਰਤੀ ਰੇਲਵੇ ਨੇ ਕਨਫਰਮ ਟਰੇਨ ਟਿਕਟ ਰੱਦ ਕਰਨ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਹੁਣ ਰਿਫੰਡ ਇਸ ਗੱਲ ’ਤੇ ਨਿਰਭਰ ਕਰੇਗਾ ਕਿ ਟਿਕਟ ਕਿੰਨਾ ਸਮਾਂ ਪਹਿਲਾਂ ਰੱਦ ਕੀਤੀ ਗਈ ਹੈ। ਜੇ ਯਾਤਰੀ 72 ਘੰਟੇ ਪਹਿਲਾਂ ਟਿਕਟ ਰੱਦ ਕਰਦਾ ਹੈ, ਤਾਂ ਉਸਨੂੰ ਸਭ ਤੋਂ ਵੱਧ ਰਿਫੰਡ ਮਿਲੇਗਾ ਅਤੇ ਸਿਰਫ ਘੱਟੋ-ਘੱਟ ਚਾਰਜ ਹੀ ਕਟੇਗਾ।  72 ਘੰਟਿਆਂ ਤੋਂ 24 ਘੰਟਿਆਂ ਦੇ ਵਿਚਕਾਰ ਟਿਕਟ ਰੱਦ ਕਰਨ ’ਤੇ ਕਿਰਾਏ ਦਾ ਕਰੀਬ 25% ਤੱਕ ਕੱਟੇਗਾ। 24 ਤੋਂ 8 ਘੰਟਿਆਂ ਦੇ ਅੰਦਰ ਟਿਕਟ ਰੱਦ ਕਰਨ ’ਤੇ ਕਟੌਤੀ ਵਧ ਕੇ 50% ਤੱਕ ਹੋ ਜਾਵੇਗੀ। ਜੇ ਟਰੇਨ ਦੇ ਚੱਲਣ ਵਿੱਚ 8 ਘੰਟਿਆਂ ਤੋਂ ਘੱਟ ਸਮਾਂ ਬਚਿਆ ਹੋਵੇ ਜਾਂ ਟਰੇਨ ਛੁੱਟ ਜਾਵੇ, ਤਾਂ ਕੋਈ ਰਿਫੰਡ ਨਹੀਂ ਮਿਲੇਗਾ। ਹਾਲਾਂਕਿ ਟੀ.ਡੀ.ਆਰ. ਦੀ ਪ੍ਰਕਿਰਿਆ ਵੱਖਰੀ ਹੋ ਸਕਦੀ ਹੈ।