ਪੰਜਾਬ ਦੇ ਵੀ ਹਨ 23 ਜ਼ਿਲ੍ਹੇ
ਚੰਡੀਗੜ੍ਹ/ਬਿਊਰੋ ਨਿਊਜ਼
ਹਰਿਆਣਾ ਵਿਚ ਹਾਂਸੀ ਨੂੰ ਵੀ ਨਵਾਂ ਜ਼ਿਲ੍ਹਾ ਦਾ ਬਣਾਉਣ ਦਾ ਐਲਾਨ ਹੋ ਗਿਆ ਹੈ। ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਇਕ ਰੈਲੀ ਦੌਰਾਨ ਹਾਂਸੀ ਨੂੰ ਨਵਾਂ ਜ਼ਿਲ੍ਹਾ ਬਣਾਉਣ ਦਾ ਐਲਾਨ ਕਰ ਦਿੱਤਾ ਹੈ ਅਤੇ ਇਸ ਨਾਲ ਹੁਣ ਹਰਿਆਣਾ ਵਿਚ 23 ਜ਼ਿਲ੍ਹੇ ਹੋ ਜਾਣਗੇ। ਧਿਆਨ ਰਹੇ ਕਿ ਪੰਜਾਬ ਵਿਚ ਵੀ 23 ਜ਼ਿਲ੍ਹੇ ਹਨ। ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦਾ ਕਹਿਣਾ ਸੀ ਕਿ ਹਾਂਸੀ ਨੂੰ ਜ਼ਿਲ੍ਹਾ ਬਣਾਉਣ ਦਾ ਅਧਿਕਾਰਤ ਨੋਟੀਫਿਕੇਸ਼ਨ ਇਕ ਹਫਤੇ ਦੇ ਅੰਦਰ-ਅੰਦਰ ਜਾਰੀ ਕਰ ਦਿੱਤਾ ਜਾਵੇਗਾ। ਨਵੇਂ ਬਣਨ ਵਾਲੇ ਹਾਂਸੀ ਜ਼ਿਲ੍ਹੇ ਵਿਚ ਦੋ ਸਬ ਡਿਵੀਜ਼ਨਾਂ ਹਾਂਸੀ ਅਤੇ ਨਾਰਨੌਦ ਸ਼ਾਮਲ ਹੋਣਗੀਆਂ ਅਤੇ ਹੁਣ ਹਿਸਾਰ ਜ਼ਿਲ੍ਹੇ ਵਿਚ ਦੋ ਸਬ ਡਿਵੀਜ਼ਨਾਂ ਹਿਸਾਰ ਅਤੇ ਬਰਵਾਲਾ ਰਹਿ ਜਾਣਗੀਆਂ।