ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਇਥੋਪੀਆ ਦਾ ਹੇਲੀ ਗੁੱਬੀ ਜਵਾਲਾਮੁਖੀ 12 ਹਜ਼ਾਰ ਸਾਲ ਬਾਅਦ ਅਚਾਨਕ ਫਟ ਗਿਆ। ਇਸ ਵਿਸਫੋਟ ਨਾਲ ਉਡਣ ਵਾਲੀ ਰਾਖ ਅਤੇ ਸਲਫਰ ਡਾਈਆਕਸਾਈਡ ਕਰੀਬ 15 ਕਿਲੋਮੀਟਰ ਉਚਾਈ ਤੱਕ ਪਹੁੰਚ ਗਈ। ਇਹ ਲਾਲ ਸਾਗਰ ਪਾਰ ਕਰਦੇ ਹੋਏ ਯਮਨ ਅਤੇ ਓਮਾਨ ਤੱਕ ਫੈਲ ਗਈ। ਲੰਘੀ ਰਾਤ ਕਰੀਬ 11 ਵਜੇ ਇਹ ਰਾਖ ਇਥੋਪੀਆ ਤੋਂ 4300 ਕਿਲੋਮੀਟਰ ਦੂਰ ਦਿੱਲੀ ਦੇ ਆਸਮਾਨ ’ਤੇ ਵੀ ਛਾ ਗਈ ਸੀ। ਹੁਣ ਇਹ ਰਾਖ ਭਾਰਤ ’ਚੋਂ ਹਟ ਰਹੀ ਹੈ ਅਤੇ ਚੀਨ ਵੱਲ ਵਧ ਰਹੀ ਹੈ। ਇੰਡੀਆ ਮੇਟ ਸਕਾਈ ਵੈਦਰ ਅਲਰਟ ਨੇ ਇਸ ਸਬੰਧੀ ਜਾਣਕਾਰੀ ਦਿੱਤੀ ਹੈ। ਇਸ ਕਰਕੇ ਏਅਰ ਇੰਡੀਆ ਨੇ ਆਪਣੀਆਂ 11 ਉਡਾਣਾਂ ਰੱਦ ਕਰ ਦਿੱਤੀਆਂ ਸਨ। ਏਅਰਪੋਰਟ ਦੇ ਅਧਿਕਾਰੀਆਂ ਨੇ ਸੁਰੱਖਿਆ ਨੂੰ ਪਹਿਲ ਦਿੰਦੇ ਹੋਏ ਏਅਰ ਲਾਈਨਜ਼ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਹ ਰਾਖ ਵਾਲੇ ਇਲਾਕਿਆਂ ਅਤੇ ਉਚਾਈਆਂ ਤੋਂ ਉਡਾਨ ਨਾ ਭਰਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਗੁਬਾਰ ਦੀ ਉਚਾਈ ਏਨੀ ਜ਼ਿਆਦਾ ਸੀ ਕਿ ਆਮ ਲੋਕਾਂ ਦੀ ਜ਼ਿੰਦਗੀ ’ਤੇ ਇਸਦਾ ਅਸਰ ਕਾਫੀ ਘੱਟ ਹੋਇਆ ਹੈ।
ਇਥੋਪੀਆ ’ਚ 12 ਹਜ਼ਾਰ ਸਾਲ ਬਾਅਦ ਜਵਾਲਾਮੁਖੀ ਫਟਿਆ – ਦਿੱਲੀ ਤੱਕ ਪਹੁੰਚ ਗਈ ਰਾਖ
