ਲੁਧਿਆਣਾ ’ਚ ਦੁਕਾਨਦਾਰ ਦੀ ਕੁੱਟ-ਕੁੱਟ ਕੇ ਕੀਤੀ ਹੱਤਿਆ

ਕੇਲਿਆਂ ਨੂੰ ਲੈ ਕੇ ਹੋਇਆ ਵਿਵਾਦ
ਲੁਧਿਆਣਾ/ਬਿਊਰੋ ਨਿਊਜ਼ : ਲੁਧਿਆਣਾ ਜ਼ਿਲ੍ਹੇ ’ਚ ਖੰਨਾ ਦੇ ਬੀਜ਼ਾ ’ਚ ਇਕ ਫਰੂਟ ਵਿਕਰਤਾ ਦੀ ਕੁੱਟ ਕੁੱਟ ਕੇ ਹੱਤਿਆ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਫਰੂਟ ਵਿਕਰੇਤਾ ਕੋਲੋਂ ਇਕ ਵਿਅਕਤੀ ਮੁਫ਼ਤ ’ਚ ਕੇਲੇ ਮੰਗ ਰਿਹਾ ਸੀ, ਜਿਸ ਨੂੰ ਲੈ ਕੇ ਦੁਕਾਨਦਾਰ ਤੇ ਕੇਲੇ ਮੰਗਣ ਵਾਲੇ ਵਿਅਕਤੀਆਂ ਵਿਚ ਵਿਵਾਦ ਹੋ ਗਿਆ। ਇਸ ਤੋਂ ਬਾਅਦ ਆਰੋਪੀ ਨੇ ਆਪਣੇ ਪੁੱਤਰਾਂ ਨੂੰ ਬੁਲਾ ਕੇ ਦੁਕਾਨਦਾਰ ਨਾਲ ਕੁੱਟ ਮਾਰ ਕੀਤੀ ਅਤੇ ਇਸ ਵਿਵਾਦ ਦੌਰਾਨ ਫਰੂਟ ਵਿਕਰੇਤਾ ਦੀ ਜਾਨ ਚਲੀ ਗਈ। ਆਰੋਪੀਆਂ ਨੇ 50 ਸਾਲਾ ਫਰੂਟ ਵਿਕਰੇਤਾ ਤੇਜਿੰਦਰ ਕੁਮਾਰ ਬੌਬੀ ਨੂੰ ਕੁੱਟ-ਕੁੱਟ ਕੇ ਜ਼ਖਮੀ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥ ਉਸ ਦੀ ਮੌਤ ਹੋ ਗਈ।