ਪੰਜਾਬ ਸਣੇ 23 ਸੂਬਿਆਂ ਵਿਚ ਅਗਲੇ 4 ਦਿਨ ਭਾਰੀ ਮੀਂਹ ਦੀ ਭਵਿੱਖਬਾਣੀ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਦਿੱਲੀ ਅਤੇ ਮਹਾਰਾਸ਼ਟਰ ਵਿਚ ਅੱਜ ਐਤਵਾਰ ਸਵੇਰੇ ਮਾਨਸੂਨ ਦੀ ਐਂਟਰੀ ਹੋ ਗਈ ਹੈ। ਮੌਸਮ ਵਿਭਾਗ ਦੇ ਮੁਤਾਬਕ, 62 ਸਾਲਾਂ ਬਾਅਦ ਦਿੱਲੀ ਅਤੇ ਮਹਾਰਾਸ਼ਟਰ ਵਿਚ ਇਕੋ ਸਮੇਂ ਮਾਨਸੂਨ ਪਹੁੰਚਿਆ ਹੈ। ਇਸ ਤੋਂ ਪਹਿਲਾਂ 21 ਜੂਨ 1961 ਨੂੰ ਦੋਵੇਂ ਜਗ੍ਹਾ ਇਕ ਹੀ ਦਿਨ ਮਾਨਸੂਨ ਦਾਖਲ ਹੋਇਆ ਸੀ। ਅਗਲੇ ਦੋ ਦਿਨਾਂ ਵਿਚ ਮਾਨਸੂਨ ਦਿੱਲੀ ਅਤੇ ਮੁੰਬੲਂੀ ਨੂੰ ਪੂਰੀ ਤਰ੍ਹਾਂ ਕਵਰ ਕਰ ਲਵੇਗਾ। ਮੁੰਬਈ ਵਿਚ ਲੰਘੇ ਕੱਲ੍ਹ ਤੋਂ ਲਗਾਤਾਰ ਮੀਂਹ ਪਿਆ ਹੈ ਅਤੇ ਮੁੰਬਈ ਦੇ ਕੁਝ ਹਿੱਸਿਆਂ ਵਿਚ ਯੈਲੋ ਅਤੇ ਕੁਝ ਹਿੱਸਿਆਂ ਵਿਚ ਔਰੈਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। ਮੌਸਮ ਵਿਭਾਗ ਮੁਤਾਬਕ ਪੰਜਾਬ, ਹਰਿਆਣਾ ਅਤੇ ਦਿੱਲੀ ਸਣੇ ਦੇਸ਼ ਦੇ 23 ਸੂੁਬਿਆਂ ਵਿਚ ਅਗਲੇ ਚਾਰ ਦਿਨ ਭਾਰੀ ਮੀਂਹ ਪੈਣ ਦਾ ਅਨੁਮਾਨ ਹੈ।