ਅਪ੍ਰੈਲ ਫੂਲ਼
ਪਹਿਲੀ ਅਪ੍ਰੈਲ ਦਾ ਅੱਜ ਹੈ ਦਿਨ ਚੜ੍ਹਿਆ,
ਰੱਖਿਓ ਖਿਆਲ ਕੋਈ ਲਾ ਨਾ ਦਾਅ ਜਾਏ।
ਜਿਗਰੀ ਯਾਰ ਹੀ ਲਾ ਕੇ ਸੀਪ ਕਿਧਰੇ,
ਅਪ੍ਰੈਲ ਫੂਲ਼ ਨਾ ਤੁਹਾਡਾ ਬਣਾ ਜਾਏ।
ਦਿਨ ਅੱਜ ਦਾ ਕਰ ਲਿਓ ਕੰਨ ਪੱਕੇ,
ਕੋਈ ਠੰਡੀ ਦਾਲ ਵਿੱਚ ਘਿਓ ਨਾ ਪਾ ਜਾਏ।
ਸਾਬਣ ਦੀ ਟਿੱਕੀ ਤੇ ਚਾਂਦੀ ਦਾ ਵਰਕ ਲਾ ਕੇ,
ਭੁਲੇਖੇ ਮਠਿਆਈ ਦੇ ਕਿਤੇ ਨਾ ਖੁਆ ਜਾਏ।
ਕਿਸੇ ਅਫ਼ਵਾਹ ਤੇ ਨਹੀਂ ਯਕੀਨ ਕਰਨਾ,
ਕੰਧ ਇਤਬਾਰ ਦੀ ਸ਼ੈਤਾਨ ਨਾ ਢਾਹ ਜਾਏ।
ਹਾਸੇ-ਹਾਸੇ ਦਾ ਮੜਾਸਾ ਵੀ ਹੋ ਜਾਂਦਾ,
ਮਜ਼ਾਕ-ਮਜ਼ਾਕ ਵਿੱਚ ਪੈ ਨਾ ਗਲੇ ਫ਼ਾਹ ਜਾਏ।
‘ਗਿੱਲ ਬਲਵਿੰਦਰਾ’ ਕਰੀਏ ਮਜ਼ਾਕ ਐਸਾ,
ਕਿਸੇ ਤਾਂਈ ਦੱਸੀਏ ਤੇ ਮਨ ਨੂੰ ਚੜ੍ਹ ਚਾਅ ਜਾਏ।
ਗਿੱਲ ਬਲਵਿੰਦਰ
CANADA +1.416.558.5530 ([email protected] )
Check Also
ਕੈਨੇਡੀਅਨ ਕੋਰ ਆਫ਼ ਕਮਿਸ਼ਨੇਅਰਜ਼ ‘ਚ ਜੌਬ
ਜਰਨੈਲ ਸਿੰਘ (ਕਿਸ਼ਤ 11ਵੀਂ (ਲੜੀ ਜੋੜਨ ਲਈ ਪਿਛਲਾ ਅੰਕ ਦੇਖੋ) ਮੇਰੇ ਕਹੇ ਅਨੁਸਾਰ, ਮੇਰਾ ਸਹਾਇਕ …