ਜਦ ਹੁਨਰ ਦੀ ਵਰਤੋ ਸ਼ੌਕ ਪੂਰਤੀ ਲਈ ਕੀਤੀ ਜਾਵੇ ਤਾਂ ਬੜੇ ਅਦਭੁੱਤ ਤੇ ਹੈਰਾਨੀਜਨਕ ਨਤੀਜੇ ਸਾਹਮਣੇ ਆਉਂਦੇ ਹਨ । ਇਹ ਕਮਾਲ ਕਰ ਦਿਖਾਇਆ ਸ: ਭਗਵੰਤ ਸਿੰਘ ਥਿੰਦ ਤੇ ਸਰਦਾਰਨੀ ਥਿੰਦ ਦੀ ਸੁਹਿਰਦ ਜੋੜੀ ਨੇ। ਲੁਧਿਆਣਾ ਜ਼ਿਲ੍ਹੇ ਦੇ ਮੋਹੀ ਪਿੰਡ ਦੇ ਜੰਮਪਲ ਸ: ਭਗਵੰਤ ਸਿੰਘ ਥਿੰਦ ਇੰਡੀਅਨ ਏਅਰ ਫੋਰਸ ਵਿੱਚ ਲੰਮਾ ਸਮਾਂ ਸੇਵਾ ਨਿਭਾਉਣ ਤੋਂ ਬਾਅਦ ਕੈਨੇਡਾ ਪ੍ਰਵਾਸ ਕਰ ਆਏ । ਫਸਲਾਂ ਦੇ ਕਰਾਸ ਬ੍ਰੀਡ ਦੀ ਸੋਝੀ ਰੱਖਣ ਵਾਲੀ ਇਸ ਥਿੰਦ ਜੋੜੀ ਨੇ ਆਪਣੇ ਘਰ ਦੇ ਪਿਛਵਾੜੇ (ਬੈਕਯਾਰਡ) ਵਿੱਚ 77 ਇੰਚ ਲੰਮਾ ਘੀਆ (ਲੌਕੀ) ਔਰਗੈਨਿਕ ਤਰੀਕੇ ਨਾਲ ਤਿਆਰ ਕਰਕੇ ਇੱਕ ਰਿਕਾਰਡ ਬਣਾਇਆ । ਇਹ ਘੀਆ ਅਜੇ ਹੋਰ ਵੱਧਣ ਦੀ ਸਮਰੱਥਾ ਰੱਖਦਾ ਹੈ ।
ਜਦੋਂ ਮਿਹਨਤ ਰੰਗ ਲਿਆਈ
