ਕਪੂਰਥਲਾ ਵਿਚ ਜਿੰਦਾ ਸੜ ਗਏ ਮਾਂ ਅਤੇ ਪੁੱਤਰ

ਕੈਨੇਡਾ ਰਹਿੰਦੇ ਰਿਸ਼ਤੇਦਾਰਾਂ ਦੀ ਜ਼ਮੀਨ ਦੀ ਦੇਖਭਾਲ ਕਰਦੇ ਸਨ ਮਾਂ-ਪੁੱਤਰ
ਕਪੂਰਥਲਾ/ਬਿਊਰੋ ਨਿਊਜ਼
ਕਪੂਰਥਲਾ ਨੇੜਲੇ ਪਿੰਡ ਜੈਰਾਮਪੁਰ ਵਿਚ ਅੱਜ ਮਾਂ ਅਤੇ ਪੁੱਤਰ ਦੇ ਜ਼ਿੰਦਾ ਸੜਨ ਦੀ ਖਬਰ ਮਿਲੀ ਹੈ। ਜਾਣਕਾਰੀ ਅਨੁਸਾਰ ਦੇਰ ਰਾਤ ਸਮੇਂ ਅੱਗ ਲੱਗਣ ਕਰਨ ਘਰ ਦੀ ਛੱਤ ਪੂਰੀ ਤਰ੍ਹਾਂ ਡਿੱਗ ਗਈ ਸੀ। ਪੁਲਿਸ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਹਿਚਾਣ 70 ਸਾਲਾ ਹਰਭਜਨ ਕੌਰ ਅਤੇ ਉਸਦੇ 50 ਸਾਲਾ ਪੁੱਤਰ ਹਰਿੰਦਰ ਸਿੰਘ ਵਜੋਂ ਹੋਈ ਹੈ। ਜੈਰਾਮਪੁਰ ਹਰਭਜਨ ਕੌਰ ਦਾ ਪੇਕਾ ਪਿੰਡ ਹੈ ਅਤੇ ਉਸਦੇ ਰਿਸ਼ਤੇਦਾਰ ਕੈਨੇਡਾ ਵਿਚ ਰਹਿੰਦੇ ਹਨ। ਮਾਂ-ਪੁੱਤਰ ਰਿਸ਼ਤੇਦਾਰਾਂ ਦੀ ਜ਼ਮੀਨ ਅਤੇ ਘਰ ਦੀ ਦੇਖਭਾਲ ਕਰਦੇ ਸਨ। ਜਾਣਕਾਰੀ ਅਨੁਸਾਰ ਲੰਘੀ ਦੇਰ ਰਾਤ ਘਰ ਨੂੰ ਅੱਗ ਲੱਗੀ ਅਤੇ ਦਰਵਾਜ਼ਾ ਵੀ ਅੰਦਰੋਂ ਬੰਦ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਮਾਮਲੇ ਦੇ ਸਾਰੇ ਪੱਖਾਂ ਤੋਂ ਜਾਂਚ ਕਰ ਰਹੀ ਹੈ।