ਕੈਲੀਫੋਰਨੀਆ/ਹੁਸਨ ਲੜੋਆ ਬੰਗਾ : ਹੋਬੋਕਨ ਸ਼ਹਿਰ ਦੇ ਮੇਅਰ ਰਵੀ ਭੱਲਾ ਨੇ ਦੁਬਾਰਾ ਚੋਣ ਲੜਨ ਲਈ ਹੁਣ ਤੋਂ ਹੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਹਾਲਾਂਕਿ ਚੋਣ 3 ਸਾਲ ਬਾਅਦ ਹੋਣੀ ਹੈ ਪਰ ਉਸ ਨੇ ਹੁਣ ਤੋਂ ਹੀ ਆਪਣੀ ਚੋਣ ਮੁਹਿੰਮ ਆਰੰਭ ਦਿੱਤੀ ਹੈ। ਪਿਛਲੇ ਤਿੰਨ ਮਹੀਨਿਆਂ ਦੀ ਮੁਹਿੰਮ ਦੌਰਾਨ ਭੱਲਾ 40175 ਡਾਲਰ ਜੁਟਾ ਚੁੱਕੇ ਹਨ। ਆਪਣੇ ਕਾਰਜਕਾਲ ਦੇ ਪਹਿਲੇ ਸਾਲ ਵਿਚ ਉਹ ਚੋਣ ਫੰਡ ਵਜੋਂ 81641 ਡਾਲਰ ਇਕੱਠੇ ਕਰ ਚੁੱਕੇ ਹਨ। ਉਸ ਦੇ ਬੁਲਾਰੇ ਵਿਚੇ ਚੌਧਰੀ ਨੇ ਕਿਹਾ ਕਿ ਭੱਲਾ ਬਹੁਤ ਹੀ ਸਾਕਾਰਤਮਿਕ ਸਰਗਰਮ ਪਹੁੰਚ ਅਪਣਾ ਰਹੇ ਹਨ। ਉਸ ਨੂੰ ਲੋਕਾਂ ਵੱਲੋਂ ਭਰਵਾਂ ਹੁੰਗਾਰਾ ਦਿੱਤਾ ਜਾ ਰਿਹਾ ਹੈ।
ਮੇਅਰ ਰਵੀ ਭੱਲਾ ਨੇ ਮੁੜ ਚੋਣ ਲੜਨ ਲਈ ਇਕ ਸਾਲ ਵਿਚ ਇਕੱਠਾ ਕੀਤਾ 80 ਹਜ਼ਾਰ ਡਾਲਰ ਤੋਂ ਵੱਧ ਫੰਡ
