New Delhi : ਜੀਓ ਫਾਇਨੈਂਸ਼ਲ ਸਰਵਿਸਿਜ਼ ਦੀ ਪੂਰੀ ਮਲਕੀਅਤ ਵਾਲੀ ਕੰਪਨੀ ਜੀਓ ਪੇਮੈਂਟ ਸੋਲਿਊਸ਼ਨਜ਼ ਨੇ ਕ੍ਰਾਸ-ਬਾਰਡਰ ਪੇਮੈਂਟਸ ਸੇਵਾ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਸੇਵਾ ਰਾਹੀਂ ਭਾਰਤੀ ਨਿਰਯਾਤਕ ਦੁਨੀਆ ਭਰ ਦੇ ਗਾਹਕਾਂ ਤੋਂ ਅੰਤਰਰਾਸ਼ਟਰੀ ਭੁਗਤਾਨ ਪ੍ਰਾਪਤ ਕਰ ਸਕਣਗੇ।
ਕੰਪਨੀ ਮੁਤਾਬਕ, ਭੁਗਤਾਨ ਵਰਚੁਅਲ ਅਕਾਊਂਟਾਂ, ਅੰਤਰਰਾਸ਼ਟਰੀ ਕਾਰਡਾਂ ਅਤੇ ਸਥਾਨਕ ਭੁਗਤਾਨ ਮਾਧਿਅਮਾਂ ਰਾਹੀਂ ਲਿਆ ਜਾ ਸਕੇਗਾ।
ਜੀਓ ਪੇਮੈਂਟ ਸੋਲਿਊਸ਼ਨਜ਼ ਨੇ ਕ੍ਰਾਸ-ਬਾਰਡਰ ਪੇਮੈਂਟਸ ਸੇਵਾ ਅਜਿਹੇ ਸਮੇਂ ਸ਼ੁਰੂ ਕੀਤੀ ਹੈ, ਜਦੋਂ ਆਨਲਾਈਨ ਵਿਕਰੇਤਾ, ਡਿਜ਼ਿਟਲ ਕਾਰੋਬਾਰ, ਸੁਤੰਤਰ ਪੇਸ਼ੇਵਰ, ਕੰਟੈਂਟ ਨਿਰਮਾਤਾ ਅਤੇ ਸਾਫਟਵੇਅਰ ਸੇਵਾ ਕੰਪਨੀਆਂ ਸਮੇਤ ਕਈ ਭਾਰਤੀ ਕਾਰੋਬਾਰ ਵਿਸ਼ਵ ਪੱਧਰ ‘ਤੇ ਆਪਣੇ ਕਾਰੋਬਾਰ ਦਾ ਵਿਸਥਾਰ ਕਰ ਰਹੇ ਹਨ।