10 ਦਿਨਾਂ ਵਿਚ 5 ਹਜ਼ਾਰ ਫਲਾਈਟਾਂ ਹੋਈਆਂ ਸਨ ਰੱਦ
ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਇੰਡੀਗੋ ਦੇ ਸੀਈਓ ਪੀਟਰ ਐਲਬਰਸ ਨੇ ਕਿਹਾ ਹੈ ਕਿ ਏਅਰ ਲਾਈਨ ਦਾ ਸਭ ਤੋਂ ਬੁਰਾ ਵਕਤ ਲੰਘ ਗਿਆ ਹੈ ਅਤੇ ਅਪਰੇਸ਼ਨਜ਼ ਸਥਿਰ ਹੋ ਗਏ ਹਨ। ਉਨ੍ਹਾਂ ਦੱਸਿਆ ਕਿ 2200 ਫਲਾਈਟਾਂ ਨੂੰ ਬਹਾਲ ਕਰ ਦਿੱਤਾ ਗਿਆ ਹੈ। ਪੀਟਰ ਨੇ ਕਰਮਚਾਰੀਆਂ ਨੂੰ ਦਿੱਤੇ ਇੰਟਰਨਲ ਮੈਸੇਜ ਵਿਚ ਕਿਹਾ ਕਿ ਏਅਰਲਾਈਨ ਇਕ ਮੁਸ਼ਕਲ ਦੌਰ ਤੋਂ ਬਾਅਦ ਮਜ਼ਬੂਤ ਹੋ ਕੇ ਉਭਰੀ ਹੈ। ਐਲਬਰਸ ਨੇ ਹਾਲ ਹੀ ਵਿਚ ਆਈਆਂ ਮੁਸ਼ਕਲਾਂ ਦੇ ਦੌਰਾਨ ਇਕਜੁਟ ਰਹਿਣ ਲਈ ਸਾਰੇ ਵਿਭਾਗਾਂ ਦੇ ਕਰਮਚਾਰੀਆਂ ਦੀ ਤਾਰੀਫ ਕੀਤੀ। ਉਨ੍ਹਾਂ ਕਿਹਾ ਕਿ ਪਿਛਲੇ ਦੋ ਹਫਤੇ ਸਾਡੇ ਸਾਰਿਆਂ ਲਈ ਬਹੁਤ ਚੁਣੌਤੀਪੂਰਨ ਰਹੇ ਹਨ। ਇਸ ਤੂਫਾਨ ਦੇ ਦੌਰਾਨ ਅਸੀਂ ਫਿਰ ਤੋਂ ਆਪਣੇ ਖੰਭ ਫੈਲਾ ਰਹੇ ਹਾਂ। ਉਨ੍ਹਾਂ ਦੱਸਿਆ ਕਿ ਅਸੀਂ ਅੱਜ ਆਪਣੇ ਨੈਟਵਰਕ ਨੂੰ 2200 ਫਲਾਈਟਾਂ ਤੱਕ ਬਹਾਲ ਕਰ ਦਿੱਤਾ ਹੈ। ਪੀਟਰ ਨੇ ਇਹ ਵੀ ਕਿਹਾ ਕਿ ਅਸੀਂ ਫੋਕਸ ਦੇ ਨਾਲ ਭਾਰਤ ਦੀ ਸੇਵਾ ਕਰਨਾ ਜਾਰੀ ਰੱਖਾਂਗੇ, ਜਿਸ ਨੇ ਇਸ ਕੰਪਨੀ ਨੂੰ ਬਣਾਇਆ ਹੈ।
ਸਭ ਤੋਂ ਬੁਰਾ ਵਕਤ ਲੰਘ ਗਿਆ : ਸੀਈਓ ਇੰਡੀਗੋ
