ਸੌਂਦ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਭੇਜੀ ਸ਼ਿਕਾਇਤ
ਖੰਨਾ/ਬਿਊਰੋ ਨਿਊਜ਼ : ਆਮ ਆਦਮੀ ਪਾਰਟੀ ਦੇ ਸੂਬਾ ਉਪ ਪ੍ਰਧਾਨ ਅਤੇ ਖੰਨਾ ਤੋਂ ਵਿਧਾਇਕ ਤਰੁਣਪ੍ਰੀਤ ਸਿੰਘ ਸੌਂਦ ਨੇ 60 ਲੱਖ ਰੁਪਏ ਦਾ ਇਕ ਘਪਲਾ ਫੜਿਆ ਹੈ। ਇਸ ਘਪਲੇ ਦਾ ਪਰਦਾਫਾਸ਼ ਕਰਨ ’ਚ ਆਪ ਵਿਧਾਇਕ ਦੀ ਮਦਦ ਕਾਂਗਰਸ ਦੇ ਬਲਾਕ ਕਮੇਟੀ ਚੇਅਰਮੈਨ ਸਤਨਾਮ ਸਿੰਘ ਸੋਨੀ ਵੱਲੋਂ ਵੀ ਕੀਤੀ ਗਈ। ਦੋਵੇਂ ਆਗੂਆਂ ਨੇ ਪਾਰਟੀਬਾਜ਼ੀ ਤੋਂ ਉਪਰ ਉਠ ਕੇ ਭਿ੍ਰਸ਼ਟਾਚਾਰ ਦੇ ਖਿਲਾਫ ਟ੍ਰੈਪ ਲਗਾਇਆ, ਜਿਸ ’ਚ ਉਹ ਕਾਮਯਾਬ ਹੋ ਗਏ। ਵਿਧਾਇਕ ਨੇ ਇਹ ਮੁੱਦਾ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪੰਚਾਇਤ ਮੰਤਰੀ ਲਾਲਜੀਤ ਭੁੱਲਰ ਤੱਕ ਪਹੁੰਚਾ ਦਿੱਤਾ ਹੈ। ਇਸ ਮਾਮਲੇ ਨਾਲ ਸਬੰਧਤ ਬੀਡੀਪੀਓ ਫਰਾਰ ਦੱਸਿਆ ਜਾ ਰਿਹਾ ਹੈ ਅਤੇ ਉਸ ਖਿਲਾਫ ਜਾਂਚ ਦੀ ਮੰਗ ਕੀਤੀ ਗਈ ਹੈ। ‘ਆਪ’ ਵਿਧਾਇਕ ਸੌਂਦ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਾਫ਼ੀ ਸਮੇਂ ਤੋਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ ਕਿ ਪੰਚਾਇਤੀ ਵਿਭਾਗ ’ਚ ਸਰਕਾਰੀ ਫੰਡਾਂ ਦੀ ਦੁਰਵਰਤੋਂ ਹੋ ਰਹੀ ਹੈ। ਪੰਚਾਇਤੀ ਜ਼ਮੀਨਾਂ ਦਾ ਠੇਕਾ ਲਿਆ ਜਾਂਦਾ, ਉਸਦੀ ਬਣਦੀ 30 ਫੀਸਦੀ ਰਕਮ ਬੀਡੀਪੀਓ ਦਫ਼ਤਰ ਦੇ ਇਕ ਪੋਰਟ ਖਾਤੇ ’ਚ ਜਮ੍ਹਾਂ ਹੁੰਦੀ ਹੈ। ਇਸ ਰਕਮ ਤੋਂ ਪੰਚਾਇਤ ਸਕੱਤਰਾਂ ਦਾ ਵੇਤਨ ਅਤੇ ਬੀਡੀਪੀਓ ਦੀ ਸਰਕਾਰੀ ਗੱਡੀ ਦਾ ਖਰਚਾ ਚਲਾਇਆ ਜਾਂਦਾ। ਬੀਡੀਓਪੀ ਵੱਲੋਂ ਅਜਿਹੇ ਤਿੰਨ ਖਾਤੇ ਖੁਲ੍ਹਵਾਏ ਗਏ ਇਕ ਅਮਲੋਹ ’ਚ ਅਤੇ ਦੋ ਖੰਨਾ ’ਚ ਖੁਲ੍ਹਵਾਏ ਗਏ। ਨਸਰਲੀ ਪਿੰਡ ਦੀ ਜ਼ਮੀਨ ਦਾ 40 ਲੱਚ ਰੁਪਏ ਅਤੇ ਬੁੱਲੇਪੁਰ ਪਿੰਡ ਦੀ ਜ਼ਮੀਨ ਦਾ 20 ਲੱਖ ਰੁਪਏ ਇਨ੍ਹਾਂ ਖਾਤਿਆਂ ਹੀ ਟਰਾਂਸਫਰ ਕੀਤਾ ਗਿਆ।