ਨਵੀਂ ਦਿੱਲੀ/ਬਿਊਰੋ ਨਿਊਜ਼
ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਨੇ ਆਪਣੀ ਨਵੀਂ ਕਰੂਜ਼ਰ ਬਾਈਕ ਰੇਬਲ 300 ਨੂੰ ਆਖਿਰਕਾਰ ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਕਰ ਦਿੱਤਾ ਹੈ। ਬੈਂਗਲੁਰੂ ਵਿੱਚ ਇਸ ਦੀ ਐਕਸ-ਸ਼ੋਰੂਮ ਕੀਮਤ 2 ਲੱਖ 22 ਹਜ਼ਾਰ ਰੁਪਏ ਰੱਖੀ ਗਈ ਹੈ, ਜਦਕਿ ਇਲੈਕਟ੍ਰਾਨਿਕ ਕਲਚ ਵਾਲੇ ਵੇਰੀਐਂਟ ਲਈ ਗਾਹਕਾਂ ਨੂੰ 2 ਲੱਖ 62 ਹਜ਼ਾਰ ਰੁਪਏ ਖਰਚ ਕਰਨੇ ਪੈਣਗੇ। ਕੰਪਨੀ ਨੇ ਇਸ ਬਾਈਕ ਨੂੰ ਆਪਣੇ ਪ੍ਰੀਮੀਅਮ ਬਿਗਵਿੰਗ ਡੀਲਰਸ਼ਿਪ ਨੈੱਟਵਰਕ ਰਾਹੀਂ ਵੇਚਣ ਦਾ ਫੈਸਲਾ ਕੀਤਾ ਹੈ, ਤਾਂ ਜੋ ਲਾਈਫਸਟਾਈਲ ਅਤੇ ਕਰੂਜ਼ਰ ਸੈਗਮੈਂਟ ਦੇ ਗਾਹਕਾਂ ਤੱਕ ਸਿੱਧੀ ਪਹੁੰਚ ਬਣਾਈ ਜਾ ਸਕੇ।
ਬਾਈਕ ਦੀ ਬੁਕਿੰਗ ਲਈ ਸਿਰਫ਼ 5 ਹਜ਼ਾਰ ਰੁਪਏ ਦੇਣੇ ਪੈਣਗੇ ਅਤੇ ਇਸਦੀ ਡਿਲਿਵਰੀ ਅਕਤੂਬਰ ਦੇ ਮੱਧ ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਹ ਲਾਂਚ ਅਚਾਨਕ ਲਿਆ ਗਿਆ ਫੈਸਲਾ ਨਹੀਂ ਹੈ। ਠੀਕ ਇੱਕ ਮਹੀਨਾ ਪਹਿਲਾਂ, 24 ਜੁਲਾਈ ਨੂੰ ਹੌਂਡਾ ਨੇ ਭਾਰਤ ਲਈ 10 ਨਵੇਂ ਦੋਪਹੀਆ ਮਾਡਲ ਇੱਕੋ ਸਮੇਂ ਪੇਸ਼ ਕੀਤੇ ਸਨ, ਜਿਨ੍ਹਾਂ ਵਿੱਚ ਰੇਬਲ 300 ਵੀ ਸ਼ਾਮਲ ਸੀ। ਕੰਪਨੀ ਹੁਣ ਇਨ੍ਹਾਂ ਮਾਡਲਾਂ ਨੂੰ ਪੜਾਅਵਾਰ ਤਰੀਕੇ ਨਾਲ ਬਾਜ਼ਾਰ ਵਿੱਚ ਉਤਾਰ ਰਹੀ ਹੈ। ਇਸੇ ਕੜੀ ਵਿੱਚ ਹਾਲ ਹੀ ਵਿੱਚ ਹੌਂਡਾ ਏ.ਡੀ.ਵੀ. 160 ਸਕੂਟਰ ਵੀ ਲਾਂਚ ਕੀਤਾ ਗਿਆ ਹੈ ਅਤੇ ਰੇਬਲ 300 ਇਸ ਵੱਡੀ ਪ੍ਰੋਡਕਟ ਯੋਜਨਾ ਦਾ ਅਗਲਾ ਪੜਾਅ ਹੈ।
ਭਾਰਤ ਵਿੱਚ ਵਧ ਰਹੇ ਲੋਕ-ਲਾਈਜ਼ੇਸ਼ਨ ਦੇ ਕਾਰਨ ਹੀ ਕੰਪਨੀ ਇਸ ਬਾਈਕ ਦੀ ਕੀਮਤ ਇੰਨੀ ਆਕਰਸ਼ਕ ਰੱਖ ਸਕੀ ਹੈ। ਨਹੀਂ ਤਾਂ ਵਿਦੇਸ਼ੀ ਬਾਜ਼ਾਰਾਂ ਵਿੱਚ ਰੇਬਲ ਸੀਰੀਜ਼ ਦੀਆਂ ਬਾਈਕਾਂ ਆਮ ਤੌਰ ’ਤੇ ਮਹਿੰਗੀਆਂ ਮੰਨੀਆਂ ਜਾਂਦੀਆਂ ਹਨ।
ਹੌਂਡਾ ਰੇਬਲ 300 ਭਾਰਤ ਵਿੱਚ ਲਾਂਚ: ਕੀਮਤ 2 ਲੱਖ 22 ਹਜ਼ਾਰ ਰੁਪਏ ਤੋਂ ਸ਼ੁਰੂ
