ਮੇਅਰ ਮਾਰਕ ਸਟਕਲਿਫ ਬਰਹਾਵਨ ਕਤਲੇਆਮ ਪੀੜਤ ਦੀ ਸਹਾਇਤਾ ਲਈ ਓਟਾਵਾ ਮੈਰਾਥਨ ‘ਚ ਲੈਣਗੇ ਹਿੱਸਾ

ਓਟਵਾ/ਬਿਊਰੋ ਨਿਊਜ਼ : ਓਟਵਾ ਦੇ ਮੇਅਰ ਮਾਰਕ ਸਟਕਲਿਫ ਇੱਕ ਮਹੀਨੇ ਵਿੱਚ ਦੂਜੀ ਮੈਰਾਥਨ ‘ਚ ਹਿੱਸਾ ਲੈਣ ਲਈ ਤਿਆਰ ਹਨ। ਸਟਕਲਿਫ ਨੇ ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ ਕਿ ਉਹ ਅਪ੍ਰੈਲ ਵਿੱਚ ਲੰਡਨ ਮੈਰਾਥਨ ਤੋਂ ਬਾਅਦ ਹਾਲੇ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋਏ ਪਰ ਉਹ ਇਸ ਆਉਣ ਵਾਲੇ ਹਫਤੇ ਦੇ ਅੰਤ ਵਿੱਚ ਓਟਾਵਾ ਮੈਰਾਥਨ ਵਿੱਚ ਦੌੜਨ ਦੇ ਇਛੁੱਕ ਹਨ।
ਉਨ੍ਹਾਂ ਕਿਹਾ ਕਿ ਮੈਂ ਦੋ ਕਾਰਨਾਂ ਕਰਕੇ ਟੈਮਰੈਕ ਓਟਾਵਾ ਰੇਸ ਵੀਕਐਂਡ ‘ਤੇ ਮੈਰਾਥਨ ਦੌੜਨ ਦਾ ਫੈਸਲਾ ਕੀਤਾ ਹੈ। ਇਹ ਮੈਰਾਥਨ ਦਾ 50ਵਾਂ ਐਡੀਸ਼ਨ ਹੈ ਅਤੇ ਮੈਂ ਇਸ ਵੱਡੇ ਮੀਲ ਪੱਥਰ ਦਾ ਹਿੱਸਾ ਬਣਨਾ ਚਾਹੁੰਦਾ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਧਨੁਸ਼ਕਾ ਲਈ ਓਟਾਵਾ ਵਿਕਟਿਮ ਸਰਵਿਸਿਜ਼ ਦੁਆਰਾ ਆਯੋਜਿਤ ਫੰਡਰੇਜਿੰਗ ਦਾ ਸਮਰਥਨ ਕਰਨਾ ਚਾਹੁੰਦਾ ਹਾਂ।
ਵਿਕਰਮਸਿੰਘੇ, ਜੋ ਵੱਡੇ ਘਾਟੇ ਅਤੇ ਦੁੱਖ ਦਾ ਸਾਹਮਣਾ ਕਰ ਰਹੇ ਹਨ। ਵਿਕਰਮਸਿੰਘੇ ਮਾਰਚ ਵਿੱਚ ਹੋਏ ਸਮੂਹਿਕ ਕਤਲੇਆਮ ਦਾ ਇਕਲੌਤਾ ਬਚਣ ਵਾਲਾ ਵਿਅਕਤੀ ਹੈ ਜਿਸ ਵਿੱਚ ਉਸਦੀ ਪਤਨੀ, ਉਸਦੇ ਚਾਰ ਬੱਚੇ ਅਤੇ ਇੱਕ ਪਰਿਵਾਰਕ ਦੋਸਤ ਮਾਰਿਆ ਗਿਆ ਸੀ।