ਮੈਡਮ ਤੁਸਾਦ ਮਿਊਜ਼ੀਅਮ ‘ਚ ਕੇਜਰੀਵਾਲ ਦਾ ਵੀ ਲੱਗੇਗਾ ਬੁੱਤ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਬਾਅਦ ਜਲਦੀ ਹੀ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਵੀ ਮੋਮ ਦਾ ਬਣਿਆ ਬੁੱਤ ਲੰਦਨ ਸਥਿਤ ਪ੍ਰਸਿੱਧ ਮੈਡਮ ਤੁਸਾਦ ਮਿਊਜ਼ੀਅਮ ਵਿਚ ਵਿਖਾਈ ਦੇਵੇਗਾ। ਦਿੱਲੀ ਦੇ ਮੁੱਖ ਮੰਤਰੀ ਦਫ਼ਤਰ ਦੇ ਸੂਤਰਾਂ ਨੇ ਐਨ. ਡੀ. ਟੀ. ਵੀ. ਦੀ ਖ਼ਬਰ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਹੈ ਕਿ ਆਦਮਕੱਦ ਬੁੱਤ ਲਈ ਕੇਜਰੀਵਾਲ ਨੇ ਨਾਪ ਦੇਣ ਲਈ ਅਗਲੇ ਮਹੀਨੇ ਦਾ ਸਮਾਂ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਹੀ ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣੇ ਪੁਤਲੇ ਲਈ ਨਾਪ ਦਿੱਤਾ ਸੀ ਤੇ ਕੁਝ ਹਫਤਿਆਂ ਵਿਚ ਹੀ ਉਨ੍ਹਾਂ ਦਾ ਪੁਤਲਾ ਮਿਊਜ਼ੀਅਮ ‘ਚ ਵਿਖਾਈ ਦੇਵੇਗਾ।