ਪੰਜਾਬ ਬੋਰਡ ਨੇ 10ਵੀਂ ਜਮਾਤ ਦੇ ਨਤੀਜੇ ਐਲਾਨੇ

ਰੋਪੜ ਦੀ ਸ਼ਰੁਤੀ ਨੇ ਹਾਸਲ ਕੀਤਾ ਪਹਿਲਾ ਸਥਾਨ
ਦੂਜਾ ਤੇ ਤੀਜਾ ਸਥਾਨ ਲੁਧਿਆਣਾ ਦੇ ਹਿੱਸੇ
ਮੁਹਾਲੀ/ਬਿਊਰੋ ਨਿਊਜ਼
ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਮਾਰਚ 2017 ਦੇ ਦਸਵੀਂ ਜਮਾਤ ਦੇ ਨਤੀਜਿਆਂ ਦਾ ਐਲਾਨ ਕਰ ਦਿੱਤਾ ਹੈ। ਦਸਵੀਂ ਦੇ ਅਕਾਦਮਿਕ ਨਤੀਜਿਆਂ ਵਿੱਚ ਇਸ ਵਾਰ ਪਹਿਲਾ ਸਥਾਨ ਡੀਏਵੀ ਪਬਲਿਕ ਸੀ.ਸੈ.ਸਕੂਲ ਰੂਪਨਗਰ ਦੀ ਸ਼ਰੁਤੀ ਵੋਹਰਾ ਨੇ 98.77 ਫੀਸਦ ਅੰਕਾਂ ਨਾਲ ਹਾਸਲ ਕੀਤਾ ਹੈ। ਦੂਜੇ ਸਥਾਨ ‘ਤੇ ਲੁਧਿਆਣਾ ਦੇ ਸਾਈਂ ਪਬਲਿਕ ਸੀ.ਸੈ. ਸਕੂਲ ਦੇ ਅਮਿਤ ਯਾਦਵ ਨੇ 98.62 ਫੀਸਦੀ ਅੰਕਾਂ ਨਾਲ ਜਦਕਿ ਤੀਜਾ ਸਥਾਨ ਵੀ ਲੁਧਿਆਣਾ ਦੇ ਹੀ ਸਾਈਂ ਪਬਲਿਕ ਸੀ.ਸੈ. ਸਕੂਲ ਦੀ ਸਿਮਨੀ ਕੁਮਾਰੀ ਨੇ 98.31 ਫੀਸਦ ਅੰਕਾਂ ਨਾਲ ਹਾਸਲ ਕਰ ਲਿਆ ਹੈ। ਦਸਵੀਂ  ਦੀ ਪ੍ਰੀਖਿਆ ਸਪੋਰਟਸ ਕੋਟੇ ਵਿੱਚ ਵੀ ਪਹਿਲਾ ਸਥਾਨ ਲੁਧਿਆਣਾ ਦੇ ਬੀਸੀਐਮ ਸੀ.ਸੈ. ਸਕੂਲ ਦੇ ਅਮਨਦੀਪ ਵਰਮਾ ਨੇ 99.08 ਫੀਸਦ ਅੰਕਾਂ ਨਾਲ ਹਾਸਲ ਕਰ ਲਿਆ ਹੈ।  ਇਹ ਵੀ ਜ਼ਿਕਰਯੋਗ ਹੈ ਕਿ ਦਸਵੀਂ ਵਿਚੋਂ 45,734 ਵਿਦਿਆਰਥੀ ਫੇਲ੍ਹ ਵੀ ਹੋ ਗਏ ਹਨ। ਨਤੀਜੇ ਦੀ ਕੁੱਲ ਫੀਸਦ 57. 50 ਰਹੀ।