ਕੰਪਨੀ ਨੂੰ ਮਿਲਿਆ 2,700 ਕਰੋੜ ਰੁਪਏ ਦਾ ਆਰਡਰ, ਸ਼ੇਅਰ 15 ਫੀਸਦੀ ਉਛਲਿਆ

New Delhi : Ratnamani Metals & Tubes ਦੇ ਨਿਵੇਸ਼ਕਾਂ ਲਈ ਵੱਡੀ ਖ਼ਬਰ ਆਈ ਹੈ। ਕੰਪਨੀ ਦੀ ਸਹਾਇਕ ਕੰਪਨੀ Ratnamani Finow Spooling Solutions Private Limited ਨੂੰ ਕੌਮਾਂਤਰੀ ਗਾਹਕਾਂ ਤੋਂ 286 ਮਿਲੀਅਨ ਡਾਲਰ ਦਾ ਵੱਡਾ ਨਿਰਯਾਤ ਆਰਡਰ ਮਿਲਿਆ ਹੈ। ਭਾਰਤੀ ਰੁਪਏ ਵਿੱਚ ਇਸ ਦੀ ਅੰਦਾਜ਼ਨ ਕੀਮਤ ਕਰੀਬ 2,700 ਕਰੋੜ ਰੁਪਏ ਹੈ। ਇਹ ਆਰਡਰ ਸਪੂਲਜ਼ ਅਤੇ ਹੈਂਗਰਜ਼ ਦੀ ਸਪਲਾਈ ਲਈ ਮਿਲਿਆ ਹੈ। ਕੰਪਨੀ ਇਸ ਆਰਡਰ ਨੂੰ ਇੱਕੋ ਵਾਰ ਪੂਰਾ ਨਹੀਂ ਕਰੇਗੀ। ਆਰਡਰ ਦਾ ਕੰਮ ਅਗਲੇ 2 ਤੋਂ 3 ਸਾਲਾਂ ਵਿੱਚ ਪੂਰਾ ਕੀਤਾ ਜਾਵੇਗਾ। ਇਸ ਲਈ ਪੂਰੀ 2,700 ਕਰੋੜ ਰੁਪਏ ਦੀ ਰਕਮ ਇੱਕ ਤਿਮਾਹੀ ਜਾਂ ਇੱਕ ਵਿੱਤੀ ਸਾਲ ਦੀ ਆਮਦਨ ਵਿੱਚ ਸ਼ਾਮਲ ਨਹੀਂ ਹੋਵੇਗੀ।